ਦਸਾਂ ਦਿਸ਼ਾਂ ਵੱਲ (ਮਾਇਆ ਨੂੰ) ਲਭਣ ਲਈ ਜਾਂਦਾ ਹੈ। ੪. (ਪਰ ਜਿਹੜਾ ਪ੍ਰਭੂ ਸਭ ਦਾਤਾਂ) ਦੇਣ ਵਾਲਾ ਹੈ ਉਸ ਨੂੰ ਇਹ ਨਿਮਖ ਭਰ ਵੀ ਆਪਣੇ ਹਿਰਦੇ ਵਿਚ ਨਹੀਂ ਵਸਾਉਂਦਾ। ੫. ਇਹ ਲੋਭ, ਝੂਠ, ਵਿਕਾਰ ਤੇ ਮੋਹ ਆਦਿ ਨੂੰ ਆਪਣੇ ਵਿਚ ਇਕੱਠਾ ਕਰਦਾ ਰਹਿੰਦਾ ਹੈ। ੬. (ਤੇ) ਜਿਹੜੇ ਲੰਪਟ, ਚੋਰ ਤੇ ਮਹਾਂ ਨਿੰਦਕ ਪੁਰਸ਼ ਹਨ, ਉਹਨਾਂ ਨਾਲ ਮਿਲਕੇ ਇਸ ਦੀ ਉਮਰ ਬੀਤਦੀ ਹੈ। ੭. ਹੇ ਪ੍ਰਭੂ ! ਜੇ ਤੈਨੂੰ ਭਾਵੇ ਤਾਂ ਤੂੰ ਚੰਗਿਆਂ ਦੇ ਨਾਲ ਖੋਟਿਆਂ ਨੂੰ ਵੀ ਬਖਸ਼ ਲੈਂਦਾ ਹੈਂ। ੮. ਸਤਿਗੁਰੂ ਜੀ ਕਥਨ ਕਰਦੇ ਹਨ ਕਿ ਹੇ ਅਕਾਲ ਪੁਰਖ ! ਜੇ ਤੈਨੂੰ ਭਾਵੇ ਤਾਂ ਪੱਥਰ ਵੀ ਪਾਣੀ ਵਿਚ ਤਰ ਸਕਦੇ ਹਨ ॥੫੨॥

ਸਲੋਕੁ ॥

(੧) ਖਾਤ ਪੀਤ ਖੇਲਤ ਹਸਤ ਭਰਮੇ ਜਨਮ

ਅਨੇਕ ॥ (੨) ਭਵਜਲ ਤੇ ਕਾਢਹੁ ਪ੍ਰਭੂ

ਨਾਨਕ ਤੇਰੀ ਟੇਕ ॥੧॥

ਅਰਥ- ੧. ਅਸੀਂ ਖਾਂਦਿਆਂ, ਪੀਂਦਿਆਂ, ਖੇਡਦਿਆਂ ਤੇ ਹਸਦਿਆਂ ਅਨੇਕ ਜਨਮਾਂ ਵਿਚ ਫਿਰਦੇ ਰਹੇ ਹਾਂ। ੨. ਸਤਿਗੁਰੂ ਜੀ ਬੇਨਤੀ ਕਰਦੇ ਹਨ ਕਿ ਹੇ ਅਕਾਲ ਪੁਰਖ! ਹੁਣ ਸਾਨੂੰ ਇਸ ਸੰਸਾਰ ਸਮੁੰਦਰ ਵਿਚੋਂ ਕਢ ਲੈ, ਸਾਨੂੰ ਤੇਰਾ ਹੀ ਆਸਰਾ ਹੈ ॥੧॥

ਪਉੜੀ॥

(੧) ਖੇਲਤ ਖੇਲਤ ਆਇਓ ਅਨਿਕ ਜੋਨਿ

ਦੁਖ ਪਾਇ॥ (੨) ਖੇਦ ਮਿਟੇ ਸਾਧੂ ਮਿਲਤ

ਸਤਿਗੁਰ ਬਚਨ ਸਮਾਇ॥ (੩) ਖਿਮਾ ਗਹੀ

ਸਚੁ ਸੰਚਿਓ ਖਾਇਓ ਅੰਮ੍ਰਿਤੁ ਨਾਮ॥ (੪)