ਕਿਤਾਬਾਂ ਵਿਚਾਰਦਿਆਂ

ਸਮਾਜ ਨੂੰ ਪੜ੍ਹਨ ਸਮਝਣ ਦੀ ਅਕਲ ਆਈ

ਭਗਤ ਕਿਤਾਬਾਂ ਸਿਰਜਣ ਲੱਗਾ

ਸ਼ਬਦ ਅਪਣਾਉਣ ਲੱਗਾ

ਸਬਕ ਅਪਣਾਉਣ ਲੱਗਾ

ਸਬਕ ਸਿਖਾਉਣ ਲੱਗਾ

ਸ਼ਬਦ ਸਿਖਾਉਣ ਲੱਗਾ

 

ਪੜ੍ਹੀਆਂ-ਵਿਚਾਰੀਆਂ ਗਈਆਂ

ਕਿਤਾਬਾਂ ਨੇ ਪੰਨਾਂ-ਪੰਨਾਂ ਸਿਰਜਣਾ

ਸ਼ੁਰੂ ਕੀਤਾ ਭਗਤ ਸਿੰਘ

 

ਗੁਲਾਮੀ ਤੋਂ ਆਜ਼ਾਦੀ ਵੱਲ੍ਹ ਵਧਦਾ

ਭਗਤ ਸਿੰਘ

 

ਕਿਤਾਬਾਂ ਤੋਂ ਸਿੱਖ

ਅਖੀਰਲਾ ਹੀਲਾ ਹਥਿਆਰ ਅਪਣਾਉਦਾ ਭਗਤ

ਹਥਿਆਰਾਂ ਤੇ ਕਿਤਾਬਾਂ ਸੰਗ ਵਿਚਰਦਾ ਭਗਤ

ਆਪ ਫਾਂਸੀ ਦੇ ਰੱਸੇ 'ਤੇ ਝੂਲਦਾ ਭਗਤ

ਸ਼ਬਦ ਅਪਣਾਉਣ ਲਈ ਕਹਿੰਦਾ ਭਗਤ

 

ਇਸ ਤਰ੍ਹਾਂ ਸਿਰਜਿਆ ਗਿਆ ਭਗਤ

ਜਿਹੜਾ ਫਿਰ

ਕਿਸੇ ਪਰਿਵਾਰ ਦੀ ਵੇਲ ਨਹੀਂ ਰਿਹਾ

ਦੇਸ਼ ਦੇ ਸਾਰੇ ਪਰਿਵਾਰਾਂ ਦਾ ਹੋ ਗਿਆ

'ਭਗਤ' ਇੱਕ ਸੋਚ ਹੋ ਗਿਆ।