ਸਮਰਪਿਤ

ਪਿਤਾ ਦੇ ਉਸ ਸੁਭਾਅ ਦੇ ਨਾਂ ਜਿਸ ਨੇ ਮੈਨੂੰ ਡੋਲਣ ਨਹੀਂ ਦਿੱਤਾ

ਤੇ

ਦਿੱਤੀ ਉਸ ਖੁੱਲ ਦੇ ਨਾਂ ਜਿਸ ਸਹਾਰੇ ਮੈਂ ਵਧ-ਫੁੱਲ ਸਕਿਆ।

ਮੇਰੇ ਲਈ

ਪਿਆਰ ਦੀ ਪਰਿਭਾਸ਼ਾ

ਸਿਰਫ਼ ਇਹ ਹੈ

ਤੂੰ ਕਿਹਾ

ਮੈਂ ਮੰਨ ਲਿਆ।

ਚੰਗਾ ਹੋਇਆ

ਮੈਂ ਤੇਰੇ ਕੋਲ

ਰੁਕ ਗਿਆ

ਜ਼ਿੰਦਗੀ ਨੇ

ਲੰਘ ਹੀ ਜਾਣਾ ਸੀ।

ਐਨਾ ਬਹੁਤ ਹੈ

ਕਿ

ਤੇਰੇ ਦਰ ਤੋਂ ਉੱਠ ਆਇਆਂ

ਤੇ

ਮੇਰੀ ਝੋਲੀ ਖਾਲੀ ਨਹੀਂ ਹੈ

ਤੂੰ ਮੇਰੇ ਦਿਲ 'ਤੇ

ਰਾਜ ਕੀਤਾ

ਤੇ

ਮੈਂ ਤੇਰੇ ਸਿਰ 'ਤੇ ਦੁਨੀਆਂ

ਮਾਣੀ ਹੈ।

ਮੁਆਫ਼ੀ

ਮੈਨੂੰ ਵਾਪਿਸ ਪਰਤਣਾ ਪੈ ਰਿਹਾ

ਹੁਣ ਮੈਨੂੰ ਮੇਰੀ ਲੋੜ ਹੈ।