ਗੀਤ - ਕੌਫੀ ਤੂੰ ਸਾਂਝੀ ਵੇ...

ਪੜ੍ਹਦਾ ਤੂੰ ਰਹੇਂ ਕਿਤਾਬਾਂ, ਅੱਖਾਂ ਨੂੰ ਪੜ੍ਹਦਾ ਨਹੀਂ

ਤੈਨੂੰ ਕਿੰਨਾਂ ਹਾਂ ਚਾਹੁੰਦੇ, ਨੋਟਿਸ ਤੂੰ ਕਰਦਾਂ ਨਹੀਂ

ਤੈਨੂੰ ਅਸੀਂ ਸਭ ਕੁਝ ਮੰਨਿਆ, ਤੇਰੇ ਤੋਂ ਪਰਦਾ ਨਹੀਂ

ਸਾਡੇ ਵੱਲ ਜਦ ਤੂੰ ਵੇਖੇ, ਰੂਹ ਇਹ ਖਿੜ੍ਹ ਜਾਂਦੀ ਵੇ...

ਸਾਡੀ ਇੱਕ ਰੀਝ ਪੁਗਾ ਦੇ, ਤੇਰੇ ਤੋਂ ਵਾਂਝੀ ਵੇ...

ਸਾਡੇ ਨਾਲ ਕਰੇ ਕਿਤੇ ਜੇ ਕੌਫੀ ਤੂੰ ਸਾਂਝੀ ਵੇ...

 

ਜਾਣੀ ਨਾ ਕਦੇ ਸੋਹਣਿਆਂ ਅੱਲੜ ਦੇ ਦਿਲ ਦੀ ਤੂੰ

ਕੀਤੀ ਨਾ ਸਿਫ਼ਤ ਕਦੇ ਵੀ ਠੋਡੀ ਦੇ ਤਿਲ ਦੀ ਤੂੰ

ਤੇਰੀ ਬੱਸ ਵੇਟ ਸੋਹਣਿਆਂ, ਸਾਡੀ ਤਾਂ ਹਾਂਜੀ ਵੇ...

ਸਾਡੀ ਇੱਕ ਰੀਝ ਪੁਗਾ ਦੇ, ਤੇਰੇ ਤੋਂ ਵਾਂਝੀ ਵੇ...

ਸਾਡੇ ਨਾਲ ਕਰੇ ਕਿਤੇ ਜੇ ਕੌਫੀ ਤੂੰ ਸਾਂਝੀ ਵੇ...

 

ਅੜਿਆ ਦੱਸ ਕਿਵੇਂ ਛੁਪਾਵਾਂ ਮੁੱਖੜੇ ਤੋਂ ਸੰਗਾਂ ਨੂੰ

ਚੜ੍ਹਨੇ ਤੋਂ ਕਿਵੇਂ ਰੋਕਲਾਂ ਇਸ਼ਕੇ ਦਿਆਂ ਰੰਗਾਂ ਨੂੰ

ਭਰਕੇ ਜਦ ਨਿਗ੍ਹਾ ਤੂੰ ਵੇਖੇ, ਰੂਹ ਤਾਂ ਖਿੜ ਜਾਂਦੀ ਵੇ...

ਸਾਡੀ ਇੱਕ ਰੀਝ ਪੁਗਾ ਦੇ, ਤੇਰੇ ਤੋਂ ਵਾਂਝੀ ਵੇ...

ਸਾਡੇ ਨਾਲ ਕਰੇ ਕਿਤੇ ਜੇ ਕੌਫੀ ਤੂੰ ਸਾਂਝੀ ਵੇ...