ਆਪਾਂ ਤਾਰਾਂ ਤੋੜ ਨਾ ਦਈਏ

ਚੜ੍ਹਦੇ ਦੇ ਮਨ ਵਿੱਚ ਗੱਲ ਧੜਕੇ

ਲਹਿੰਦੇ ਦੇ ਦਿਲ ਵਿੱਚ ਗੱਲ ਰੜਕੇ

ਕੱਢ ਦਿਲਾਂ 'ਚੋਂ ਕੋਹੜ ਨਾ ਦਈਏ...

ਆਪਾਂ ਤਾਰਾਂ ਤੋੜ ਨਾ ਦਈਏ...

 

ਜਿੰਨਾਂ ਹੈ ਸਨ ਲਾਈਆਂ ਤਾਰਾਂ

ਸਾਡੇ ਦਿਲਾਂ 'ਚ ਪਾਈਆਂ ਖਾਂਰਾਂ

ਹਾਕਮ ਨੂੰ ਝੰਜੋੜ ਨਾ ਦਈਏ...

ਆਪਾਂ ਤਾਰਾਂ ਤੋੜ ਨਾ ਦਈਏ...

 

ਲੱਖਾਂ ਬੰਦੇ ਓਧਰ ਚਾਹਵਣ

ਲੱਖਾਂ ਹੀ ਨੇ ਏਧਰ ਚਾਹਵਣ

ਕਈ ਲੱਖਾਂ ਨੂੰ ਜੋੜ ਨਾ ਦਈਏ...

ਆਪਾਂ ਤਾਰਾਂ ਤੋੜ ਨਾ ਦਈਏ...

 

ਕਈ ਤਰਸਣ ਆਪਣੇ ਪਿੰਡਾਂ ਨੂੰ

ਪਿੰਡ ਸੱਥ 'ਚ ਲੱਗੀਆਂ ਟਿੰਡਾਂ ਨੂੰ

ਪਿੱਛੇ ਨੂੰ ਵਾਂਗਾਂ ਮੋੜ ਨਾ ਦਈਏ...

ਆਪਾਂ ਤਾਰਾਂ ਤੋੜ ਨਾ ਦਈਏ...