ਇਸ਼ਕੇ ਤੋਂ ਪਾਰ

ਤੇਰੀ ਇਹ ਆਵਾਜ਼ ਚੰਨਾ ਕਿੰਨੀ ਏ ਪਿਆਰੀ,

ਹੈਨੀ ਏਸ ਤੋਂ ਪਿਆਰਾ ਕੋਈ ਵੀ ਸਾਜ ਵੇ

ਤੇਰਾ ਇੱਕ ਬੋਲ ਮੇਰੀ ਜਾਨ ਵਿੱਚ ਜਾਨ ਪਾਵੇ,

ਆਜਾ ਮਾਰ ਇੱਕ ਮੇਰੀ ਮਿੱਠੀ ਜਿਹੀ ਆਵਾਜ਼ ਵੇ

 

ਸੱਜਣਾ ਦਾ ਕੋਲ ਹੋਣਾ, ਉਹਨੂੰ ਇੱਕ ਵਾਰ ਛੋਹਣਾ

ਕਈ ਜਨਮਾਂ ਦੇ ਬਾਅਦ ਮਿਲੀ ਦਾਤ ਇਹ

ਦੁਨੀਆਂ ਤੇ ਆਇਆ ਦਾ ਸਾਡਾ ਵੀ ਕੋਈ ਮੁੱਲ ਹੋਜੂ

ਪਾ ਦੇ ਮੇਰੀ ਝੋਲੀ ਅੱਜ ਤੂੰ ਸੌਗਾਤ ਇਹ

 

ਤਾਰਿਆਂ ਦੀ ਚਾਨਣੀ 'ਚ ਜਦੋਂ ਮੇਰੀ ਅੱਖ ਲੱਗੀ

ਲੱਗੀ ਅੱਖ ਤੋਂ ਸੀ ਆਇਆ ਤੇਰਾ ਖ਼ਾਬ ਉਏ

ਤੂੰ ਹੀ ਸੀ ਉਹ ਜਿਹਨੇ ਫੜਿਆ ਸੀ ਹੱਥ ਮੇਰਾ

ਆ ਕੇ ਮੇਰੇ ਹੱਥ ਉੱਤੇ ਰੱਖਿਆ ਗੁਲਾਬ ਉਏ

 

ਉਹਦਾ ਇਹ ਹਾਸਾ ਜਦੋਂ ਖਿੜ ਜਾਵੇ ਚੁੰਹ ਪਾਸੇ

ਫਿਰ ਮਿੱਠੀ-ਮਿੱਠੀ ਆਉਂਦੀ ਖੁਸ਼ਬੋ ਜੀ

ਮੇਰੇ ਉਹ ਰਾਹਾਂ ਤੇ ਸੂਰਜ ਬਣ ਖੜ੍ਹ ਜਾਵੇ

ਉਹ ਹਰ ਪਾਸੇ ਬਣੇ ਮੇਰੀ ਲੋਅ ਜੀ