ਸਰਕਾਰੀ ਫਾਇਰ ਬਰਗੇਡ ਵਾਲੇ

ਸਰਕਾਰੀ ਫਾਇਰ ਬਰਗੇਡ ਵਾਲੇ

ਖ਼ਬਰਾਂ ਰੱਖਣ ਲੱਗ ਗਏ ਨੇ

 

ਬਲਦੇ ਹੋਏ ਘਰਾਂ ਦੀਆਂ ਨਹੀਂ

ਸੜ੍ਹਦੀ ਹੋਈ ਜਵਾਨੀ ਦੀਆਂ ਨਹੀਂ

ਮੱਚਦੀਆਂ ਹੋਈਆਂ ਧੀਆਂ ਦੀਆਂ ਨਹੀਂ

 

ਉਹਨਾਂ ਕੋਲ ਦੀ ਤਾਂ ਲੰਘ ਜਾਂਦੇ ਨੇ

ਅੱਖਾਂ ਮੀਟ ਕੇ

 

ਪਰ ਜੇ ਕਿਧਰੇ ਸੂਹ ਮਿਲ ਜਾਵੇ

ਬਲਦੇ ਹੋਏ ਦੀਵੇ ਦੀ

ਜੁਗਨੂੰ ਦੇ ਚਮਕਣ ਦੀ

ਚਿਣਗ ਦੇ ਫੁੱਟਣ ਦੀ

 

ਜਾਂ ਚਾਨਣ ਲਈ ਜਗਦੀ ਕਿਸੇ ਬੱਤੀ ਦੀ

 

ਮਿੰਟਾਂ 'ਚ ਹੀ ਬੁਝਾ ਦਿੰਦੇ ਨੇ

ਕਿਉਂਕਿ ਇਹਨਾਂ ਤੋਂ ਬਹੁਤ ਖ਼ਤਰਾਂ ਹੈ ਦੇਸ਼ ਨੂੰ

 

ਸਵੇਰਾ ਜੋ ਹੋ ਜਾਵੇਗਾ।