ਸੰ सञ्ज् ਧਾ- ਗਲੇ ਲਾਉਣਾ. ਚਿਪਕਨਾ. ਝਗੜਨਾ. ਜਾਣਾ. ਜੋੜਨਾ। ੨. ਦੇਖੋ, ਸੰਚਯਨ. "ਨਾਮ ਨਿਧਾਨੁ ਮਨ ਮਹਿ ਸੰਜਿ ਧਰਿ." (ਵਾਰ ਮਾਰੂ ੧. ਮਃ ੩) "ਸੰਜਿ ਕੀਆ ਘਰਿ ਵਾਸ." (ਵਾਰ ਮਾਝ ਮਃ ੧) "ਚਲਦਿਆ ਨਾਲ ਨ ਚਾਲੈ ਸੋ ਕਿਉ ਸੰਜੀਐ." (ਵਾਰ ਜੈਤ) "ਹਰਿ ਧਨ ਜਿਨੀ ਸੰਜਿਆ." (ਮਾਝ ਅਃ ਮਃ ੫) ੩. ਸੰ. सञ्च ਸੰਗ੍ਯਾ- ਬ੍ਰਹਮਾ। ੪. ਸ਼ਿਵ। ੫. ਵਿ- ਸੰਨਾਹ ਬੱਧੇ ਹੋਏ. ਸਨੱਧ. "ਸਰੰ ਸੰਜ ਫੁੱਟੇ." (ਚੰਡੀ ੨) ੬. ਸੰਗ੍ਯਾ- ਕਵਚ. ਸੰਜੋਆ. "ਸੁਭੈਂ ਸਸਤ੍ਰ ਸੰਜਾਨ ਸੋਂ ਸੂਰਵੀਰੰ." (ਮੱਛਾਵ) ੭. ਫ਼ਾ. [سنج] ਵਜਨ. ਤੋਲ। ੮. ਮਿਣਤੀ. ਮਾਪ। ੯. ਝਾਂਝ. ਖੜਤਾਲ. ਦੇਖੋ, ਪਟੇਲਾ। ੧੦. ਸਿੰਧੀ. ਸ਼੍ਵੱਛਤਾ. ਸਫਾਈ। ੧੧. ਸੰਦ. ਔਜ਼ਾਰ.