ਮੁਟਿਆਰ ਦੀ ਤੱਕਣੀ ਵਿਚ ਵਧੀਆਪਨ ਦੀ ਹੈਂਕੜ ਅਤੇ ਇਕ ਨੀਚ ਜੇਤੂ ਵਾਲੀ ਘਿਰਣਾ ਸੀ।
ਗੱਡੀ ਦੇ ਡੱਬੇ ਵਿਚ ਬੈਠੇ ਲੋਕਾਂ ਦੀਆਂ ਨਜ਼ਰਾਂ ਉਸ ਨੂੰ ਵੇਖ ਰਹੀਆਂ ਸਨ, ਇਹ ਪਤਨੀ ਨੂੰ ਪਤਾ ਸੀ। ਉਸ ਨੇ ਪਿਆਰ ਨਾਲ ਮਿੰਨ੍ਹਾ ਜਿਹਾ ਮੁਸਕਰਾ ਕੇ ਪਤੀ ਦੇ ਕੋਟ ਦੇ ਬਟਨ ਖੋਲ੍ਹ; ਉਸ ਦੀ ਟਾਈ ਨੂੰ ਸੁਆਰ ਕੇ ਕੋਟ ਦੇ ਅੰਦਰਵਾਰ ਕੀਤਾ ਅਤੇ ਬਟਨ ਫਿਰ ਬੰਦ ਕਰ ਦਿੱਤੇ; ਅਤੇ ਅੱਖਾਂ ਮੁੰਦ ਕੇ ਆਪਣਾ ਸਿਰ ਸੱਜੇ ਪਾਸੇ ਵੱਲ ਝੁਕਾ ਕੇ ਪਤੀ ਦੇ ਖੱਬੇ ਮੋਢੇ ਉੱਤੇ ਟਿਕਾਅ ਦਿੱਤਾ।
ਗੱਡੀ ਦੇ ਡੱਬੇ ਵਿਚ ਬੈਠੇ ਲੋਕਾਂ ਦੀਆਂ ਅੱਖਾਂ ਨੇ ਜਿਵੇਂ ਸੀਤਾ ਸੁਅੰਬਰ ਵੇਖ ਲਿਆ ਹੋਵੇ।
ਗੱਡੀ ਚਾਂਸਰੀਲੇਨ ਸਟੇਸ਼ਨ ਉੱਤੇ ਰੁਕੀ। ਕੁਝ ਮੁਸਾਵਰ ਉਤਰੇ, ਇਕ ਬਿਰਧ ਅੰਗ੍ਰੇਜ਼ ਜਾਂਦਾ ਜਾਂਦਾ, ਪਤੀ ਦੇ ਮੋਢੇ ਲੱਗੀ ਮਰਿਆਦਾ-ਮਈ ਦੇ ਸਿਰ ਉੱਤੇ ਹੱਥ ਰੱਖ ਕੇ ਅਸੀਸ ਦੇ ਗਿਆ, "ਗਾੱਡ ਬਲੈੱਸ ਯੂ, ਮਾਇ ਚਾਇਲਡ ।"
