ਰਾਗੀਆਂ ਨੂੰ
(ਸਿੱਖ੍ਯਾ ਤੇ ਅਸੀਸ)
ਜੋੜੀ ਸਿਰੰਦੇ ਵਾਲਿਓ!
ਖੁਸ਼ ਗਲੇ ਵਾਲੇ ਸੁਹਣਿਓ !
ਅਰਸ਼ੀਆਂ ਦੇ ਗੀਤ ਗਾ ਗਾ
ਦਿਲ ਅਸਾਡੇ ਮੋਹਣਿਓ !
ਲੱਗੇ ਸੁਹਾਵੇ ਖੰਭ ਹਨ
ਤੁਹਾਡੀ ਸੁਰੀਲੀ ਵਾਜ ਨੂੰ
ਲੈ ਉੱਡਦੇ ਆਕਾਸ਼ ਨੂੰ,
ਅਰਸ਼ੀ ਅਲਾਪਾਂ ਛੁਹਣਿਓ!
ਪੈਦਾ ਜੁ ਕਰਦਾ ਹਾਲਤਾਂ-
ਗਾਇਨ ਤੁਸਾਡਾ ਮਰਮੀਆਂ,
ਭਿਜ ਜਾਓ ਮਰਮਾਂ ਵਿੱਚ ਖ਼ੁਦ
ਸਾਡੇ ਦਿਲਾਂ ਨੂੰ ਕੁਹਣਿਓ !
ਪੋਹ ਪੋਹ ਅਸਾਨੂੰ ਸੁਰ ਤੁਸਾਡੀ
ਦ੍ਰਵਣਤਾ ਲਾ ਦੇ ਵਦੀ,
ਦ੍ਰਵ ਜਾਓ ਆਪੂੰ ਸੁਹਣਿਓ !
ਸਾਡੇ ਦਿਲਾਂ ਨੂੰ ਪੁਹਣਿਓ !
ਰੰਗ ਚੜ੍ਹੇ ਦੂਣਾ ਚੌਣ ਹੋ,
ਮਜਲਸ ਸਰੂਰੀਂ ਝੂੰਮ ਪੈ,
ਲਗ ਜਯੇ ਸਮਾਧੀ ਫਿਰ ਸਰੂਰੋਂ
ਸੁਰਤਾਂ ਦੀ ਸੁਰਹੀ ਦੁਹਣਿਓ !੧੨
