ਕੀ ਇਹ ਓਹੋ ਪਿਆਰਾ ਹੈ,

ਜੋ ਆਯਾਸੀ ਉਮਾਹ ਬਣਕੇ?

ਮਲਾਰਾਂ ਬਣ ਜੁ ਆਇਆ ਸੀ,

ਜੋ ਵੱਸਦਾ ਸੀਗ ਕਿਣ ਮਿਣਕੇ।

ਹੋਯਾ ਕੀਰਤਨ ਸੁਅਰਗਾਂ ਦਾ

ਕਿ ਰਸ ਵਸਦਾ ਸੀ ਛਣ ਛਣਕੇ,

ਹੈ ਅਜ ਇਸ ਵੇਸ ਵਿਚ ਆਇਆ,

ਛਿਪਾ ਕਰ, ਹੋਰ ਬਣ ਬਣਕੇ।

ਸਿਆਣੇ ਸਯਾਣ ਲੈਂਦੇ ਹਨ,

ਚਹੋ ਜਿਸ ਰੰਗ ਖੇਡੇ ਹੋ,

ਮੇਰੀ ਹੈ ਪ੍ਰੀਤ ਨੋ-ਬਾਲਾ

ਲਗੀ ਹੈ ਰੂਪ ਸੁਣ ਸੁਣਕੇ।

ਇਕ ਅਰਜ਼ੋਈ ਹੈ ਬਾਲਮ ਮੈਂ,

ਨਜ਼ਰ ਮੇਰੀ ਹੈ ਘਟ ਰੌਸ਼ਨ,

ਜੁ ਸੱਕੇ ਸਯਾਣ ਹਰ ਰੰਗੇ,

ਜੁ ਧਾਰੇ ਆਪ ਬਣ ਬਣਕੇ।

ਖ਼ਜ਼ਾਨੇ ਹੁਸਨ ਅਪਣੇ ਚੋਂ

ਦਿਓ ਇਹ ਦਾਨ ਮੈਨੂੰ ਬੀ

ਮਜ਼ਾ ਫਿਰ ਪ੍ਯਾਰ ਤੁਹਾਡੇ ਦਾ

ਮਿਲੇ ਮੈਨੂੰ ਅਗਿਣ ਗਿਣਕੇ,