ਧੰਨ ਕਾਗ਼ਜ਼ !
ਅਵੇ ਕਾਗਜ਼ ! ਅਵੇ ਕਾਗਜ਼ !
ਕਿ ਤੂੰ ਅਸਚਰਜ ਹੈ ਕਾਗ਼ਜ।
ਤੂੰ ਸਾਹਾਂ ਦੇ ਕਰਾਂ ਵਿਚ ਜਾ
ਵਡ੍ਯਾਯਾ ਜਾਵਨੈਂ ਕਾਗ਼ਜ਼।
ਤੂੰ ਬੱਚਿਆਂ ਦੀ ਬੀ ਬਣਕੇ ਖੇਲ
ਅਕਾਸ਼ੀਂ ਉੱਡਨੈਂ ਕਾਗਜ਼ !
ਤੂੰ ਫ਼ਾਨੂਸਾਂ ਦੇ ਦੁਆਲੇ ਹੋ
ਅਗਨ ਸਿਉਂ ਖੇਡਨੈਂ ਕਾਗਜ਼ !
ਉਡਾਰੂ ਖ੍ਯਾਲ ਕਵੀਆਂ ਦੇ
ਜੋ ਉਡਦੇ ਜਾਣ ਜੰਮਦੇ ਹੀ
ਤੂੰ ਫੜ ਗੋਦੀ ਬਹਾਨਾ ਹੈ,
ਤੇ ਰਖ ਲੈਨਾਂ ਧਰੇ, ਕਾਗਜ਼ !
ਤੂ ਭਗਤੀ ਭਾਵ ਭਗਤਾਂ ਦੇ
ਹਾਂ ਲਿਖ ਲੈਨਾ ਹੈ ਸੀਨੇ ਤੇ
ਪੜ੍ਹਾ ਦੇਨੈ ਤੂੰ ਪ੍ਰੇਮੀਆਂ ਨੂੰ
ਦਿਲਾਂ ਵਿਚ ਠੰਢ ਦੇ ਕਾਗ਼ਜ਼ !
ਤੂੰ ਬ੍ਰਹਮ ਨੂੰ ਬੀ ਹੈਂ ਲਿਖ ਲੈਨੈਂ
