ਦੋਸਤ ੨

ਕੁਝ ਦੋਸਤ ਛਣਕਦੀ ਕਵਿਤਾ ਵਾਂਗ ਮਿਲਦੇ

ਕੁਝ ਟੁੱਟੇ ਦਿਲਾਂ ਵਾਂਗ ਚੁੱਪ

ਕੁਝ ਅਧੂਰੇ ਗੀਤਾਂ ਵਰਗੇ

ਨਾ ਗਾਏ ਜਾਂਦੇ ਨਾ ਵਿਸਾਰੇ ਜਾਂਦੇ

ਕੁਝ ਮਿਲਦੇ ਤਾਂ

ਜ਼ਿੰਦਗੀ ਦੀ ਗ਼ਜ਼ਲ ਨੂੰ ਗਵਾਚੀ ਹੋਈ ਅਵਾਜ਼ ਮਿਲ ਪੈਂਦੀ

ਕੁਝ ਲੰਬੇ ਨਾਵਲਾਂ ਵਰਗੇ

ਵਾਰ-ਵਾਰ ਪੜ੍ਹਣ 'ਤੇ ਵੀ

ਕਲਾਵੇ 'ਚ ਨਾ ਆਉਂਦੇ

ਨਜ਼ਰ 'ਚ ਨਾ ਸਮਾਉਂਦੇ

ਕੁਝ ਦੋਸਤ ਰੌਚਕ ਕਹਾਣੀ ਵਾਂਗ

ਛਪ ਜਾਂਦੇ ਦਿਲੋ-ਦਿਮਾਗ 'ਚ

 

ਕੁਝ ਕੁ ਲੋਕ-ਗੀਤਾਂ ਵਰਗੇ

ਜੋ ਜਨਮ ਜਮਾਂਤਰਾਂ ਤੀਕ

ਚੇਤੇ ਦੇ ਬਨੇਰਿਆਂ 'ਤੇ ਬੈਠੇ ਹੀ ਰਹਿੰਦੇ,

ਜਿੰਨੇ ਪੁਰਾਣੇ ਹੋਈ ਜਾਂਦੇ

ਓਨੇ ਹੀ ਆਪਣੇ ਲੱਗਦੇ