ਸਿਰ ਹਿਲਾ ਕੇ 'ਹਾਂ' ਦਾ ਇਸ਼ਾਰਾ ਕਰਨਾ ਸਾਡੇ ਕੁਦਰਤ ਵਲੋਂ ਬਣੇ ਸੁਭਾ ਦਾ ਹਿੱਸਾ ਹੀ ਲਗਦਾ ਹੈ, ਬਿਲਕੁਲ ਉਸੇ ਤਰ੍ਹਾਂ ਜਿਵੇਂ 'ਨਾਂਹ' ਕਹਿਣ ਲਈ ਸਿਰ ਨੂੰ ਸੱਜੇ ਖੱਬੇ ਘੁਮਾਉਣਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਸੱਜੇ-ਖੱਬੇ ਸਿਰ ਹਿਲਾ ਕੇ ਨਾਂਹ ਕਰਨ ਦੀ ਆਦਤ ਸਾਡੇ ਬਚਪਨ ਵਿਚ ਸ਼ੁਰੂ ਹੁੰਦੀ ਹੈ, ਜਦੋਂ ਕੋਈ ਸਾਡੀ ਮਰਜ਼ੀ ਦੇ ਉਲਟ ਸਾਡੇ ਮੂੰਹ ਵਿਚ ਕੁਝ ਪਾਉਣਾ ਚਾਹੁੰਦਾ ਹੈ ਤਾਂ ਸਾਡੇ ਕੋਲ ਨਾਂਹ ਕਹਿਣ ਦਾ ਇੱਕੋ ਹੀ ਤਰੀਕਾ ਹੁੰਦਾ ਹੈ—ਅਸੀਂ ਆਪਣਾ ਸਿਰ ਪਹਿਲਾਂ ਇਕ ਪਾਸੇ ਘੁਮਾ ਲਈਏ ਤੇ ਫਿਰ ਦੂਜੇ ਪਾਸੇ।
"ਸਿਰ ਹਿਲਾਉਣਾ ਸਾਡੇ ਕੁਦਰਤ ਵਲੋਂ ਬਣੇ ਸੁਭਾ ਦਾ ਹੀ ਹਿੱਸਾ ਹੈ।”
ਬਹੁਤ ਸਾਰੇ ਲੋਕ ਦੂਜਿਆਂ ਨਾਲ ਸਿਰਫ ਇਸੇ ਕਰਕੇ ਹੀ ਤਾਲਮੇਲ ਨਹੀਂ ਬਣਾ ਸਕਦੇ ਕਿਉਂਕਿ ਉਹ ਆਪਣੇ ਸਰੀਰ ਰਾਹੀਂ (ਮੁੱਖ ਤੌਰ ਤੇ ਸਿਰ ਹਿਲਾਉਣ ਨਾਲ) ਦੂਜੇ ਨੂੰ ਇਹ ਨਹੀਂ ਕਹਿੰਦੇ ਕਿ ਉਹ ਸੁਣ ਰਹੇ ਹਨ। ਜਿਵੇਂ ਅਸੀਂ ਦੇਖਿਆ ਹੈ ਅਸੀਂ ਇਸ ਹਰਕਤ ਨਾਲ ਬੋਲਣ ਵਾਲੇ ਨੂੰ ਪੰਜ ਗੱਲਾਂ ਕਹਿ ਸਕਦੇ ਹਾਂ। ਇਹ ਬਿਲਕੁਲ ਸਾਧਾਰਨ ਜਿਹੀ ਹਰਕਤ ਹੈ ਪਰ ਜਦੋਂ ਇਸ ਨੂੰ ਇਕ ਇਸ਼ਾਰੇ ਦੇ ਤੌਰ ਤੇ ਵਰਤਿਆ ਜਾਂਦਾ ਹੈ ਤਾਂ ਇਸ ਨਾਲ ਗੱਲਬਾਤ ਰਵਾਨੀ ਨਾਲ ਚਲਦੀ ਹੈ। ਜਦੋਂ ਤੁਸੀਂ ਸਿਰ ਨਹੀਂ ਹਿਲਾਉਂਦੇ ਤਾਂ ਗਲਬਾਤ ਵਿਚ ਵਿਘਨ ਪੈਣਾ ਸ਼ੁਰੂ ਹੋ ਜਾਂਦਾ ਹੈ ਕਿਉਂਕਿ ਬੋਲਣ ਵਾਲੇ ਨੂੰ ਲੱਗਣ ਲੱਗ ਪੈਂਦਾ ਹੈ ਕਿ:
- ਤੁਸੀਂ ਉਸ ਦੀ ਗੱਲ ਵੱਲ ਧਿਆਨ ਨਹੀਂ ਦੇ ਰਹੇ।
- ਤੁਸੀਂ ਕੋਈ ਦਿਲਚਸਪੀ ਨਹੀਂ ਲੈ ਰਹੇ।
ਜੇਕਰ ਤੁਸੀਂ ਟੈਲੀਵੀਜ਼ਨ ਤੇ ਮੁਲਾਕਾਤਾਂ ਜਾਂ ਗਲਬਾਤ ਦੇ ਪ੍ਰੋਗਰਾਮ ਦੇਖੇ ਹੋਣ ਤਾਂ ਇਨ੍ਹਾਂ ਦੇ ਮੇਜ਼ਬਾਨ ਕਾਫੀ ਸਿਰ ਹਿਲਾ ਹਿਲਾ ਕੇ ਆਪਣੇ ਮਹਿਮਾਨ ਨੂੰ ‘ਖੁਲ੍ਹਣ’ ਲਈ ਉਤਸ਼ਾਹ ਦਿੰਦੇ ਰਹਿੰਦੇ ਹਨ।
ਸਿਆਣੀ ਗੱਲ
ਬਹੁਤ ਸਾਰੇ ਅਧਿਐਨ ਸਾਨੂੰ ਇਹ ਦੱਸਦੇ ਹਨ ਕਿ ਜੇਕਰ ਅਸੀਂ ਸਿਰ ਹਿਲਾ ਹਿਲਾ ਕੇ ਗੱਲ ਕਰਦੇ ਹਾਂ ਤਾਂ ਅਸੀਂ ਬੋਲਣ ਵਾਲੇ ਕੋਲੋਂ ਜ਼ਿਆਦਾ ਕੁਝ ਪੁੱਛ ਸਕਦੇ ਹਾਂ। ਬਿਨਾਂ ਸਿਰ ਹਿਲਾਏ ਗੱਲ ਕਰਨ ਨਾਲੋਂ ਸਿਰ ਹਿਲਾ ਕੇ ਗੱਲ ਕਰਨ ਵਾਲਾ 'ਚਾਰ ਗੁਣਾ' ਚੀਜ਼ਾਂ ਪੁੱਛ ਲੈਂਦਾ ਹੈ।
ਸਿਰ ਹਿਲਾਉਣ ਦਾ ਮਤਲਬ ਕੀ ਹੈ?
