ਥੋੜ੍ਹੀ ਜਿਹੀ ਗੱਲ ਆਪਾਂ ਲੱਤਾਂ ਇਕ ਦੂਜੇ ਉਤੋਂ ਲੰਘਾ ਕੇ ਮੋੜਨ ਦੀ ਇਕ ਐਸੀ ਮੁਦਰਾ ਦੀ ਵੀ ਗੱਲ ਕਰ ਲਈਏ ਜਿਹੜੀ ਮਰਦਾਂ ਵਲੋਂ ਕੀਤੀ ਜਾਂਦੀ ਹੈ ਅਤੇ ਦੇਖਣ ਵਾਲੇ ਨੂੰ ਬਹੁਤ ਖਿਝਾ ਦੇਣ ਵਾਲੀ ਹੈ। ਇਹ ਤੁਸੀਂ ਜ਼ਰੂਰ ਹੀ ਦੇਖੀ ਹੋਵੇਗੀ ਅਤੇ ਜੇ ਤੁਸੀਂ ਮਰਦ ਹੋ ਤਾਂ ਤੁਸੀਂ ਇਸ ਮੁਦਰਾ ਵਿਚ ਬੈਠਣ ਦੀ ਗਲਤੀ ਵੀ ਜ਼ਰੂਰ ਹੀ ਕੀਤੀ ਹੋਵੇਗੀ। ਇਸ ਵਿਚ ਹੱਥ ਸਿਰ ਦੇ ਪਿੱਛੇ ਹੁੰਦੇ ਹਨ ਅਤੇ ਇਕ ਲੱਤ ਦੂਜੇ ਉਪਰ ਹੁੰਦੀ ਹੈ ਅਤੇ ਇਕ ਗਿੱਟਾ ਦੂਜੇ ਗੋਡੇ ਉਤੇ ਟਿਕਿਆ ਹੁੰਦਾ ਹੈ। ਇਹ ਮੁਦਰਾ ਧਾਰਨ ਕਰਕੇ ਉਹ ਵਿਅਕਤੀ ਸ਼ਾਇਦ ਆਪਣੀ 'ਉਚਿਆਈ' ਜਾਂ ਤਾਕਤ ਦਾ ਅਹਿਸਾਸ ਕਰਵਾਣਾ ਚਾਹੁੰਦਾ ਹੈ ਅਤੇ ਦੇਖਣ ਵਾਲੇ ਨੂੰ ਇਹ ਕਹਿ ਰਿਹਾ ਪ੍ਰਤੀਤ ਹੁੰਦਾ ਹੈ ਕਿ "ਕਿਸੇ ਦਿਨ ਸ਼ਾਇਦ ਤੂੰ ਵੀ ਮੇਰੇ ਜਿੰਨਾ ਵਧੀਆ ਬਣ ਸਕੇ।" ਇਹ ਹਰਕਤ ਬਹੁਤ ਸਾਰੇ ਲੋਕ ਆਪਣੇ ਅਧੀਨ ਲੋਕਾਂ ਸਾਹਮਣੇ ਕਰਦੇ ਹਨ। ਜੇ ਕੋਈ ਮਰਦ ਇਸ ਢੰਗ ਨਾਲ ਬੈਠਾ ਹੋਵੇ ਤਾਂ ਔਰਤਾਂ ਖਾਸ ਕਰਕੇ ਹੀ ਬਹੁਤ ਖਿਝ ਜਾਂਦੀਆਂ ਹਨ। ਭਾਵੇਂ ਇਹ ਹਰਕਤ ਉਨ੍ਹਾਂ ਲਈ ਨਾ ਵੀ ਕੀਤੀ ਜਾ ਰਹੀ ਹੋਵੇ। ਜੇਕਰ ਕਿਸੇ ਫਿਲਮ ਦਾ ਪ੍ਰੋਡਿਊਸਰ ਇਸ ਤਰ੍ਹਾਂ ਕਰ ਰਿਹਾ ਹੋਵੇ ਤਾਂ ਸ਼ਾਇਦ ਲੋਕ ਇਸ ਦਾ ਬੁਰਾ ਨਾ ਮਨਾਉਣ, ਪਰ ਕਿਸੇ ਹੋਰ ਲਈ ਇਹ ਕਰਨਾ ਦੂਜਿਆਂ ਨੂੰ ਅਤਿ ਦਾ ਖਿਝਾਉਣ ਵਾਲਾ ਹੈ।

" ਇਹ ਮੁਦਰਾ ਅਤਿ ਦੀ ਖਿਝਾਉਣ ਵਾਲੀ ਹੈ।”