ਸਿਆਣੀ ਗੱਲ

ਆਪਣੇ ਆਪ ਨੂੰ ਤਸੱਲੀ ਦੇਣ ਵਾਲੀਆਂ ਹਰਕਤਾਂ, ਜਿਵੇਂ ਹੱਥ ਨਾਲ ਸਹਿਲਾਣਾ, ਪਕੜਨਾ, ਜੱਫੀ ਪਾਉਣਾ, ਛੋਹਣਾ ਆਦਿ, ਜਿਹੜੀਆਂ ਅਸੀਂ ਪਰੇਸ਼ਾਨੀ ਜਾਂ ਬੇਆਰਾਮੀ ਵੇਲੇ ਕਰਦੇ ਹਾਂ, ਇਨ੍ਹਾਂ ਦਾ ਸਬੰਧ ਸਾਡੇ ਬਚਪਨ ਦੇ ਉਹਨਾਂ ਸਮਿਆਂ ਨਾਲ ਜੋੜਿਆ ਜਾਂਦਾ ਹੈ ਜਦੋਂ ਸਾਨੂੰ ਕੋਈ ਦੂਜਾ ਵਿਅਕਤੀ ਤਸੱਲੀ ਦੇ ਰਿਹਾ ਹੋਵੇ।

ਜਦੋਂ ਕੋਈ ਵਿਅਕਤੀ ਸਕਾਰਾਤਮਕ 'ਮੁਲਾਂਕਣ' ਵਾਲੀ ਅਵਸਥਾ ਵਿਚ ਆ ਜਾਂਦਾ ਹੈ ਤਾਂ ਇਹ ਵਧੀਆ ਹਾਲਤ ਹੈ। ਇਹਦੇ ਵਿਚ ਬਾਕੀ ਚਿਹਰੇ ਨਾਲੋਂ ਠੋਡੀ ਵੱਲ ਹੱਥ ਜ਼ਿਆਦਾ ਜਾਂਦਾ ਹੈ। ਜੇਕਰ ਕੋਈ ਵਿਅਕਤੀ ਤੁਹਾਡੀ ਗੱਲ ਵਿਚ ਦਿਲਚਸਪੀ ਲੈ ਰਿਹਾ ਹੁੰਦਾ ਹੈ ਤਾਂ ਉਸ ਦੀ ਹਲਕੇ ਢੰਗ ਨਾਲ ਬਣਾਈ ਹੋਈ ਮੁੱਠੀ ਗਲ੍ਹ ਨਾਲ ਲੱਗੀ ਹੁੰਦੀ ਹੈ ਅਤੇ ਪਹਿਲੀ ਉਂਗਲ ਉੱਪਰ ਵੱਲ ਨੂੰ ਹੁੰਦੀ ਹੈ ਅਤੇ ਇਸ ਦੀ ਦਿਸ਼ਾ ਅਕਸਰ ਕੰਨ ਵੱਲ ਨੂੰ ਹੁੰਦੀ ਹੈ।