ਗਿਆ ਕਿ ਮੈਂ ਉਸ ਦਾ ਪੈਸਾ ਤੇ ਸਮਾਂ ਬਰਬਾਦ ਕਰ ਰਿਹਾ ਹਾਂ। ਮੈਨੂੰ ਹਰ ਸਮੇਂ ਸਹਾਰੇ ਦੀ ਲੋੜ ਰਹਿੰਦੀ ਕਿਉਂਕਿ ਰਫ਼ਾ ਹਾਜ਼ਤ ਸਮੇਤ ਮੇਰੀ ਹਰ ਸਰੀਰਕ ਕਿਰਿਆ ਮੰਜੇ 'ਤੇ ਹੀ ਹੁੰਦੀ। ਭਰਾ ਆਪਣੇ ਕੰਮਾਂ 'ਚ ਮਘਨ ਸੀ। ਉਸ ਨੇ ਇਕ ਮੁੰਡਾ ਦੇ ਦਿੱਤਾ ਜੋ ਮੇਰੀ ਸੇਵਾ ਕਰਿਆ ਕਰਦਾ ਤੇ ਰਾਤ ਵੀ ਮੇਰੇ ਕੋਲ ਰਹਿੰਦਾ। ਹੁਣ ਸਮਾਂ ਸੂਲ ਬਣਦਾ ਜਾ ਰਿਹਾ ਸੀ ਮੇਰੇ ਲਈ। ਮੈਂ ਪਹਿਲੀ ਵਾਰ ਮੰਜੇ 'ਤੇ ਐਨੇ ਲੰਮੇ ਸਮੇਂ ਲਈ ਪਿਆ ਸੀ। ਕਦੇ-ਕਦੇ ਕੋਈ ਪਤਾ ਲੈਣ ਆ ਜਾਂਦਾ ਪਰ ਹਰ ਕੋਈ ਚੋਭ ਜਿਹੀ ਲਾ ਕੇ ਚਲਾ ਜਾਂਦਾ। ਹੁਣ ਮੈਨੂੰ ਮੰਜਾ ਚੁੱਭਣ ਲੱਗ ਪਿਆ। ਕੋਈ ਕਿੰਨੀ ਕੁ ਦੇਰ ਟੈਲੀਵਿਜ਼ਨ ਵੇਖੇ? ਮੈਂ ਬੇਚੈਨ ਹੋ ਗਿਆ, ਮੇਰਾ ਮਨ ਵਿਆਕੁਲ ਹੋ ਗਿਆ।