-ਜ਼ਿੰਦਗੀ ਵਿੱਚ ਕੁਝ ਚੀਜ਼ਾਂ ਦੀ ਖਰਚ ਨਹੀਂ, ਵਰਤ ਸਮਝਣੀ ਜ਼ਰੂਰੀ ਹੁੰਦੀ ਹੈ।
-ਇਨਸਾਨ ਦੇ ਮਨ ਨੂੰ ਮੰਦਿਰ ਮੰਨਿਆ ਜਾਂਦਾ ਹੈ, ਜਿਸ ਦਾ ਪੁਜਾਰੀ ਉਹ ਖੁਦ ਆਪ ਹੈ।
-ਚਿੱਤਰ ਦਾ ਚਰਿੱਤਰ, ਚਿੱਤਰਕਾਰ ਦੇ ਹੱਥ ਹੁੰਦਾ ਹੈ, ਫੇਰ ਉਹ ਭਾਵੇਂ ਸੱਚ ਝੂਠ, ਰੰਗ, ਵਰਤਾਰਾ ਜਾਂ ਸੰਗ-ਸ਼ਰਮ ਕੁਝ ਵੀ ਹੋਵੇ।
-ਰੱਬ ਨੇ ਇਨਸਾਨ ਨੂੰ ਬਣਾਇਆ, ਇਨਸਾਨ ਨੇ ਫੇਰ ਤੋਂ ਰੱਬ ਨੂੰ ਬਣਾ ਲਿਆ।
-ਜਦੋਂ ਤੁਸੀਂ ਮਰਦੇ ਮਰਦੇ ਬਚਦੇ ਹੋ ਤਾਂ ਸਮਝ ਲਓ, ਮੌਤ ਤੁਹਾਡੇ ਨਾਲ ਰਿਹਰਸਲ ਕਰ ਰਹੀ ਹੈ।
-ਹੋਰ ਮੁਲਕ ਜਾਂ ਸੂਬਿਆਂ ਵਿੱਚ ਜਦ ਤੁਹਾਨੂੰ ਕੋਈ ਆਪਣੇ ਘਰ ਸੱਦ ਦਾ ਹੈ ਤਾਂ ਕਹੇਗਾ, 'ਚਲੋ ਮੇਰੇ ਘਰ ਚੱਲ ਦੇ ਹਾਂ” ਪਰ ਜੇ ਇਹੀ ਗੱਲ ਪੰਜਾਬ ਰਿਆਸਤ 'ਚ ਹੋਵੇ ਤਾਂ ਕਿਹਾ ਜਾਏਗਾ, "ਚਲੋ ਜੀ ਆਪਣੇ ਘਰ ਚੱਲ ਦੇ ਹਾਂ"।
-ਇਸ਼ਕ ਦਾ ਕੀ ਹੈ ਜਨਾਬ, ਕਿਸੇ ਨੂੰ ਚੂਰੀਆਂ ਉਡੀਕਦੀਆਂ ਹਨ ਤੇ ਕਿਸੇ ਨੂੰ ਛੁਰੀਆਂ ਉਡੀਕਦੀਆਂ ਹਨ।
-ਜਦੋਂ ਕੋਈ ਕੁੜੀ ਕਿਸੇ ਮੁੰਡੇ ਨੂੰ ਮਿਲਣ ਆਉਂਦੀ ਹੈ ਤਾਂ ਉਹ ਆਪਣੀ ਇੱਜ਼ਤ ਦੀ ਦਹਿਲੀਜ਼ ਟੱਪ ਕੇ ਆਉਂਦੀ ਹੈ।
