-ਜੋ ਮਹਾਨ ਹੈ, ਉਸ ਦਾ ਕੋਈ ਹਾਣ ਨਹੀਂ, ਕੋਈ ਪ੍ਰਵਾਨ ਨਹੀਂ।
-ਨਕਾਰਾਤਮਕ ਇਨਸਾਨ ਕਹਿੰਦਾ "ਜੋ ਜਿਵੇਂ ਚੱਲਦਾ ਹੈ ਚੱਲੀ ਜਾਣ ਦੋ" ਜਦਕਿ ਸਕਾਰਾਤਮਕ ਇਨਸਾਨ ਕਹਿੰਦਾ ਹੈ "ਇੱਦਾਂ ਕਿੱਦਾਂ ਚੱਲੀ ਜਾਣ ਦੋ"।
-ਸ਼ਬਦਾਂ ਦੀ ਅਮੀਰੀ ਨਾਲ ਲੇਖਕ ਲਿਖਤਮ ਦੌਲਤ ਕਮਾਉਂਦਾ ਹੈ।
-ਸਮੱਸਿਆ ਇਹ ਹੈ ਕਿ ਹਰ ਕੋਈ ਰਾਜਾ ਬਣਨਾ ਚਾਹੁੰਦਾ ਹੈ, ਵਜ਼ੀਰ ਵਿਚਾਰੇ ਦਾ ਤਾਂ ਕੋਈ ਨਾਮ ਵੀ ਲੈ ਕੇ ਰਾਜ਼ੀ ਨਹੀਂ।
-ਇਸ ਯੁੱਗ ਵਿੱਚ ਥੋੜ੍ਹਿਆਂ ਨੂੰ ਸਾਧਨਾਂ ਦੀ ਲੋੜ ਹੈ ਅਤੇ ਬਹੁਤਿਆਂ ਨੂੰ ਸਾਧਨਾ ਦੀ।
-ਅੱਜ ਦੇ ਸਮੇਂ ਵਿੱਚ ਮਰਦਾਂ ਲਈ ਵੀ ਲਛਮਣ ਰੇਖਾ ਹੋਣੀ ਚਾਹੀਦੀ ਹੈ।
-ਜੋ ਅੱਜ ਪਤੰਗਾ ਹੈ ਉਹ ਕੱਲ੍ਹ ਅੱਗ ਬਣ ਕੇ ਨਿਕਲੇਗਾ।
-ਕੁਦਰਤ ਦੀ ਸੁਗੰਧ ਨੂੰ "ਸੁਗੰਦ" ਬਣਾਉਣ ਵਿੱਚ ਅੱਜ ਦੇ ਲੋਕਾਂ ਦਾ ਵਿਸ਼ੇਸ਼ ਯੋਗਦਾਨ ਹੈ।
-ਸਮਾਜ ਨੂੰ ਸਭ ਤੋਂ ਜਲਦੀ ਜੋੜਨ ਦਾ ਕੰਮ ਵੀ ਧਰਮ ਕਰਦਾ ਹੈ ਅਤੇ ਸਭ ਤੋਂ ਜਲਦੀ ਤੋੜਨ ਦਾ ਕੰਮ ਵੀ ਧਰਮ ਹੀ ਕਰਦਾ ਹੈ।
