-ਨੱਕ ਵਿੱਚ ਮਹਿਕ ਨੂੰ ਵੇਖਣ ਦੀ ਸਮਰੱਥਾ ਹੁੰਦੀ ਹੈ।
-ਪਾਵਰ ਆਉਣ ਤੋਂ ਬਾਅਦ ਕੁਝ ਲੋਕਾਂ ਨੂੰ ਉੱਚਾ ਸੁਣਨ ਲੱਗ ਜਾਂਦਾ ਹੈ।
-ਜ਼ਿੰਦਗੀ ਦੇ ਅਨੁਭਵ ਦਾ ਕੋਈ ਉਪਾਧੀ ਪੱਤਰ ਨਹੀਂ ਹੁੰਦਾ।
-ਚਿੰਤਾ ਨਹੀਂ, ਚਿੰਤਨ ਕਰੋ।
-ਆਲ੍ਹਣਿਆਂ ਨੂੰ ਇੰਨ੍ਹਾਂ ਖ਼ਤਰਾ ਹਨੇਰੀਆਂ ਤੋਂ ਨਹੀਂ ਜਿੰਨਾ ਆਰੀਆਂ ਤੋਂ ਹੈ।
-ਜੇ ਕੋਈ ਸਿਧਾਂਤ ਜਾਂ ਵਿਚਾਰ ਸਮਝਾਉਣ ਵਿੱਚ ਨਹੀਂ ਆ ਰਿਹਾ ਤਾਂ ਉਸ ਨੂੰ ਉਦਾਹਰਨ ਦੇ ਕੇ ਸਮਝਾਉਣ ਦੀ ਖੇਚਲ ਕਰੋ, ਸਮਝਣਾ ਆਸਾਨ ਹੋ ਜਾਵੇਗਾ।
-ਊਸ਼ਾ ਇੱਕ ਦੁਆ ਹੈ, ਨਿਸ਼ਾ ਇੱਕ ਨਸ਼ਾ ਹੈ।
-ਅੱਜ ਦੇ ਸਮੇਂ ਵਿੱਚ ਅਸਲ ਗਿਆਨ ਤਾਂ ਕਿਸੇ ਕਿਸੇ ਕੋਲ ਹੀ ਹੈ ਬਾਕੀ ਸਭ ਤਾਂ ਏਵੇਂ ਬੱਸ ਸੁਣੀਆਂ ਸੁਣਾਈਆਂ ਗੱਲਾਂ ਹੀ ਕਰਦੇ ਹਨ।
-ਜ਼ਿੰਦਗੀ ਦੀ ਗਤੀ ਦੀ, ਗਤੀਵਿਧੀ ਪਹਿਚਾਣੋ।
-ਸਿਆਸੀ ਪਾਰਟੀਆਂ ਕਦੇ ਨਹੀਂ ਚਾਹੁੰਦੀਆਂ ਕਿ ਸਮਾਜ ਦੀਆਂ ਜ਼ਰੂਰਤਾਂ ਪੂਰੀਆਂ ਹੋਣ ਕਿਉਂਕਿ ਜੇਕਰ ਜ਼ਰੂਰਤਾਂ ਪੂਰੀਆਂ ਹੋ ਗਈਆਂ ਤਾਂ ਵੋਟਾਂ ਕੌਣ ਪੂਰੀਆਂ ਕਰੇਗਾ, ਸੋ ਹਰ ਵਾਰ ਕੇਵਲ ਨਾਅਰਾ ਬਦਲਿਆ ਜਾਂਦਾ ਹੈ, ਲਾਰਾ ਉਹੀ ਰਹਿੰਦਾ ਹੈ।
