-ਖੁਸ਼ੀ ਹੈ ਕਿ ਦੁਨੀਆ ਉਮੀਦ ਤੇ ਕਾਇਮ ਹੈ ਪਰ ਦੁੱਖ ਹੈ ਕਿ ਦੁਨੀਆ ਕੇਵਲ ਉਮੀਦ ਤੇ ਹੀ ਕਾਇਮ ਹੈ।
-ਜੂਆ, ਲਾਟਰੀ, ਸੱਟਾ ਇਨਸਾਨ ਦੀ ਸੋਚ ਸ਼ੇਖਚਿਲੀ ਵਰਗੀ ਕਰ ਦਿੰਦਾ ਹੈ।
-ਪਹਿਲਾਂ ਦੇ ਮਨੁੱਖ ਨੂੰ ਰੋਟੀ ਕੱਪੜਾ ਮਕਾਨ ਚਾਹੀਦਾ ਸੀ ਤੇ ਅੱਜ ਦੇ ਮਨੁੱਖ ਨੂੰ ਸਿਰਫ਼ "ਮੋਬਾਇਲ"।
-ਮਿਹਨਤ ਦੀ ਕਮਾਈ ਉੱਪਰ ਜੇਕਰ ਵਾਧੂ ਦਾ ਫ਼ਾਲਤੂ ਟੈਕਸ ਲਗਾਇਆ ਜਾਵੇ ਤਦ ਇਨਸਾਨ ਆਪਣੀ ਜੇਬ ਕੱਟੀ ਕੱਟੀ ਮਹਿਸੂਸ ਕਰਦਾ ਹੈ।
-ਬਰਾਬਰੀ ਕਰਨ ਵਿੱਚ ਅਤੇ ਬਰਾਬਰ ਹੋਣ ਵਿੱਚ ਫ਼ਰਕ ਹੀ ਫ਼ਰਕ ਹੈ।
-ਥੋੜੇ ਇਤਿਹਾਸ ਰਚ ਰਹੇ ਹਨ ਅਤੇ ਬਹੁਤੇ ਇਤਿਹਾਸ ਰਟ ਰਹੇ ਹਨ।
-ਅੱਜ ਕੱਲ੍ਹ ਰਿਸ਼ਤੇ ਸਾਥ ਅਨੁਸਾਰ ਨਹੀਂ, ਲੋੜ ਅਨੁਸਾਰ ਹਨ।
-ਤੁਸੀਂ ਕਾਮਯਾਬੀ ਦੀ ਸਿਖਰ ਤੇ ਪਹੁੰਚਣ ਲਈ ਜਿਸ ਪੌੜੀ ਦਾ ਸਹਾਰਾ ਲਿਆ ਹੈ, ਤੁਹਾਡੇ ਵਿਰੋਧੀਆਂ ਨੇ ਉਸ ਪੌੜੀ ਨੂੰ ਵੱਢਣ ਲਈ ਪੂਰਾ ਜ਼ੋਰ ਲਾਇਆ ਹੋਇਆ ਹੈ।
-ਬੱਚਿਆਂ ਲਈ ਸ਼ਨੀਵਾਰ ਦੀ ਰਾਤ ਬੜੀ ਹਸੀਨ ਹੁੰਦੀ ਹੈ ਅਤੇ ਐਤਵਾਰ ਦੀ ਰਾਤ ਬੜੀ ਗ਼ਮਗੀਨ ਹੁੰਦੀ ਹੈ।
