-ਅੱਗ ਪਾਣੀ ਹਵਾ, ਇਹ ਤਿੰਨੋਂ ਪ੍ਰਕਿਰਤੀ ਦਾ ਪਹਿਰਾਵਾ ਹਨ।
-ਹਵਸ ਨਾਲ ਭਰੀ ਅੱਖਾਂ ਦੀ ਨਜ਼ਰ ਨੂੰ ਸਾਰੇ ਮੁਖੜੇ ਹੀ ਕਾਮ ਲੋਭੀ ਦਿਸਦੇ ਹਨ।
-ਰਾਜਨੀਤੀ ਦੀ ਕੁਰਸੀ ਦੀਆਂ ਚਾਰ ਵਿਚੋਂ ਦੋ ਲੱਤਾਂ ਕਮਜ਼ੋਰ ਹੁੰਦੀਆਂ ਹਨ।
-ਕਾਗ਼ਜ਼ੀ ਫੁੱਲਾਂ ਦੇ ਬਾਗ਼ ਦੇ ਮਾਲੀ ਲਾਪਰਵਾਹ ਹੁੰਦੇ ਹਨ।
-ਕਈ ਸੰਵਿਧਾਨਾਂ ਨੇ ਬੋਲਣ ਦੇ ਅਧਿਕਾਰ ਦੀ ਆਜ਼ਾਦੀ ਦੇ ਕੇ ਜਨ ਮਨ ਦੇ ਬੁੱਲ੍ਹ ਸੀ ਦਿੱਤੇ ਹਨ।
-ਆਉਣ ਵਾਲੇ ਸਮੇਂ ਵਿੱਚ "ਘੁੰਡ" ਔਰਤਾਂ ਨੂੰ ਨਹੀਂ ਬਲਕਿ ਮਰਦਾਂ ਨੂੰ ਕੱਢਣੇ ਪੈਣਗੇ।
-ਮੋਟਾਪਾ ਇਨਸਾਨ ਦੀ ਉਮਰ ਅੰਨੀ ਕਰ ਦਿੰਦਾ ਹੈ।
-ਛੜਾ ਬੰਦਾ ਰੋਟੀ, ਦੋਵੇਂ ਪਾਸਿਉਂ ਚੋਪੜ ਕੇ ਖਾਂਦਾ ਹੈ।
-ਜੇਕਰ ਤੁਸੀਂ ਸ਼ਰਾਬੀ ਨੂੰ ਸ਼ਰਾਬ ਪੀਣ ਦੇ ਨੁਕਸਾਨ ਦੱਸੋਗੇ ਤਾਂ ਅੱਗੋਂ ਉਹ ਤੁਹਾਨੂੰ ਦੁੱਧ ਪੀਣ ਦੇ ਨੁਕਸਾਨ ਦੱਸਣ ਲੱਗ ਪਵੇਗਾ।
-ਕਰਜ਼ਾ ਅਤੇ ਬਦਲਾ, ਲੱਕੜ ਦਾਦਿਆਂ ਨੂੰ ਵੀ ਯਾਦ ਰੱਖਦਾ ਹੈ।
