ਪ੍ਰਸਤਾਵਨਾ

(ਮੰਚ ਉੱਤੇ ਹਨੇਰਾ ਹੈ। ਹੱਥਾ ਉੱਤੇ ਜਗਦੇ ਦੀਵੇ ਰੱਖੀ ਸੂਤਰਧਾਰ, ਨਟ ਤੇ ਨਟੀਆਂ ਗਾਉਂਦੇ ਹੋਏ ਪ੍ਰਵੇਸ਼ ਕਰਦੇ ਹਨ ।)

ਸੂਤਰਧਾਰ, ਨਟ ਅਤੇ ਨਟੀਆਂ:

ਕਥਾ ਸੁਣਾਉਣੀ ਔਖੀ ਲੋਕੇ!

ਕਥਾ ਇਹ ਕਿਵੇਂ ਸੁਣਾਈਏ ?

ਕਥਾ ਇਹ ਕਿਵੇਂ ਸੁਣਾਈਏ ?

ਕਥਾ ਸੁਣਾਉਣੀ ਔਖੀ ਹੈ ਬੜੀ

ਕਥਾ ਇਹ ਕਿਵੇਂ ਸੁਣਾਈਏ ?

ਕਥਾ......

 

ਇਹ ਕਥਾ ਹੈ ਆਦਿ-ਧਰਮ ਦੀ

ਬੰਦੇ ਦੇ ਆਪਣੇ ਕਰਮ ਦੀ

ਔਝੜ ਪੰਥ ਧਰਮ ਦੇ ਪੈਂਡੇ

ਕਿਵੇਂ ਕਥਾ ਤਕ ਜਾਈਏ ?

ਕਿਵੇਂ ਕਥਾ ਤਕ ਜਾਈਏ ?

ਕਿਵੇਂ ਇਹ ਕਥਾ ਸੁਣਾਈਏ ?

ਕਿਵੇਂ.....

 

ਇਹ ਕਥਾ ਹੈ ਪੁੰਨ ਪਾਪ ਦੀ,

ਇਕ ਰਿਸ਼ੀ ਦੇ ਮਹਾਂ-ਸਰਾਪ ਦੀ,

ਪਾਪ ਪੁੰਨ ਦੇ ਨੁਕਤੇ ਔਖੇ

ਨੁਕਤੇ ਕਿਵੇਂ ਉਠਾਈਏ ?

 

ਨੁਕਤੇ ਕਿਵੇਂ ਉਠਾਈਏ ?

ਕਥਾ ਇਹ ਕਿਵੇਂ ਸੁਣਾਈਏ ?

ਕਥਾ....