ਕੁੜੀਆਂ : ਚੰਬਾ ਮਹਿਕੇ
ਮਾਲਣੇ ਨੀ !
ਚੰਬਾ ਕਦ ਮਹਿਕੇ ?
ਮਾਲਣ : ਜਦ ਨਾਰ ਨਵੇਲੀ ਆਏ
ਮੌਲੀ ਮਹਿੰਦੀ ਕਜਰਾ ਲਾਏ
ਚੰਬਾ ਮਹਿਕ ਮਹਿਕ ਜਾਏ
ਚੰਬਾ ਮਹਿਕ ਮਹਿਕ ਜਾਏ
(ਸਤਿਆਵ੍ਰਤ ਤੇ ਚਿਤ੍ਰਲੇਖਾ ਨ੍ਰਿਤ ਕਰਕੇ ਮੁਦਰਾ ਬਦਲਦੇ ਹਨ।)
ਕੁੜੀਆਂ : ਪੌਣ ਰੁਮਕੇ, ਮਾਲਣੇ ਨੀ ! ਪੌਣ ਕਦ ਰੁਮਕੇ ?
ਮਾਲਣ : ਜਦ ਪੀਆ ਚਿੱਤ ਚੁਰਾਏ
ਨੈਣਾਂ ਨਾਲ ਉਹ ਨੈਣ ਮਿਲਾਏ
ਪੌਣ ਰੁਮਕ ਰੁਮਕ ਜਾਏ
(ਸਤਿਆਵ੍ਰਤ ਤੇ ਚਿਤ੍ਰਲੇਖਾ ਨ੍ਰਿਤ ਕਰਕੇ ਮੁਦਰਾ ਬਦਲਦੇ ਹਨ।)
ਕੁੜੀਆਂ : ਘਟਾ ਛਾਏ
ਮਾਲਣੇ ਨੀ !
ਘਟਾ ਕਦ ਛਾਏ ?
ਮਾਲਣ : ਜਦ ਪੀਆ ਅੰਗ ਛੁਹਾਏ
ਤੇਹ ਜਨਮਾਂ ਦੀ ਬੁਝ ਜਾਏ
ਘਟਾ ਚਾਰ ਚੁਫੇਰੇ ਛਾਏ
(ਸਤਿਆਵ੍ਰਤ ਅਤੇ ਚਿਤ੍ਰਲੇਖਾ ਮੁਦਰਾ ਬਦਲਦੇ ਹਨ।)
ਕੁੜੀਆਂ : ਚੰਨ ਚਮਕੇ
