ਚਿਹਰੇ ਉੱਤੇ ਏਦਾ ਦੇ ਭਾਵ ਹਨ, ਜਿਵੇਂ ਕਿਸੇ ਲੰਬੇ ਸਫਰ ਉੱਤੇ ਜਾਣ ਲਈ ਤਿਆਰ ਹੋਵੇ ।)

ਚਿਤ੍ਰਲੇਖਾ :                 ਚਲੋ ਕੁਮਾਰ।

ਸਤਿਆਵ੍ਰਤ :               ਹਾਂ, ਚਲੇ ਚਲੀਏ ਪਰ ਏਹ ਕੀ ਲਿਆਈਂ ਏਂ ?

ਚਿਤ੍ਰਲੇਖਾ :                 ਆਪਣੀ ਕਿਸੇ ਸਖੀ ਤੋਂ ਕੁਝ ਵਸਤਰ ਲੈ ਕੇ ਆਈ ਹਾਂ। ਪਰ ਕੁਮਾਰ, ਅਸੀ ਜਾਵਾਂਗੋ ਕਿੱਥੇ ?

ਸਤਿਆਵ੍ਰਤ                 ਤੂੰ ਚਲ ਤਾਂ ਸਹੀ । ਹੁਣ ਤਾਂ ਓਥੇ ਹੀ ਜਾਵਾਂਗੇ, ਜਿੱਥੇ ਭਾਗ ਲੈ ਜਾਣਗੇ! ਇਸ ਨਗਰ ਤੋਂ ਬਾਹਰ ਕਿਤੇ ਤਾਂ ਥਾਂ ਮਿਲੇਗੀ!

(ਦੋਵੇਂ ਤੁਰ ਪੈਂਦੇ ਹਨ। ਮਾਹੌਲ 'ਚ ਉਦਾਸੀ ਹੈ। ਪਿਛਵਾੜੇ `ਚੋਂ ਗੀਤ ਦੇ ਬੋਲ ਉੱਭਰਦੇ ਹਨ ।) ਰਾਜ ਬਿਨਾ, ਧਰਮ ਬਿਨਾ

ਤੇਰਾ ਕੌਣ ਬੇਲੀ ?

ਬੰਦਿਆ, ਤੇਰਾ ਕੌਣ ਬੇਲੀ ?

ਤੇਰਾ...?

ਰਾਜਾ ਹੋਵੇ ਤਾਂ ਰਾਜ ਕਮਾਏਂ

ਤਾਕਤ ਭੋਗੇ, ਹੁਕਮ ਚਲਾਏਂ

ਮਹਿਲ ਮਾੜੀਆਂ ਝੁਕ ਝੁਕ ਜਾਵਣ

ਸੈਨ-ਸਿਪਾਹੀ ਰੁਕ ਰੁਕ ਜਾਵਣ

ਰਾਜ ਬਿਨਾਂ ਕੋਈ ਨਾ ਪੁੱਛਦਾ

ਕੋਈ ਨ ਹੋਵੇ ਬੇਲੀ

ਬੰਦਿਆ…

(ਬੰਦ ਦੇ ਅੱਧ ਵਿਚਕਾਰ ਸਤਰਾਂ ਅਨੁਸਾਰ ਦ੍ਰਿਸ਼ । ਸੈਨਿਕ ਝੁਕਦੇ ਅਤੇ ਸਲਾਮਾਂ ਕਰਦੇ ਦਿਖਾਈ ਦਿੰਦੇ ਹਨ - ਇਹ ਰਾਜਸੱਤਾ ਅਤੇ ਤਾਕਤ ਦਾ ਕਲਾਜ ਹੈ। ਗਾਇਨ ਜਾਰੀ ਰਹਿੰਦਾ ਹੈ।)

ਧਰਮ ਦੱਸੇ ਗਿਆਨ ਦੀ ਰਾਹ

ਦੇਵੇ ਸ਼ਾਂਤੀ ਤੇ ਧਿਆਨ ਦੀ ਥਾਹ