ਗਾਇਕਾਂ ਨੂੰ

ਦਫ ਚੰਗ ਵਾਲੇ ਗਾਇਕੋ! ਮਜਲਸ ਨੂੰ ਦੇਂਦੇ ਖੁਸ਼ੀ ਲਾ,

ਰਸ ਰੰਗ ਭਰਦੇ ਯੱਕੜਾਂ ਦੇਂਦੇ ਹੋ ਝੂਮਾਂ ਵਿੱਚ ਪਾ।

 

ਦੇਂਦੇ ਹੋ ਝੂਮਾਂ ਵਿਚ ਪਾ ਮਜਲਸ ਨੂੰ ਦੇਂਦੇ ਖੁਸ਼ੀ ਲਾ

ਦੌਲਤ ਸਰੂਰਾਂ ਵਾਲੜੀ ਦੇਂਦੇ ਹੋ ਸਾਰੀ ਲੁਟ ਲੁਟਾ।

 

ਪੀਂਦੇ ਨ ਹੋ ਇਕ ਘੁੱਟ ਭਰ ਇਸ ਪਿਰਮ ਰਸ ਤੋਂ ਆਪ ਜੀ

ਸੁੱਕੇ ਲਬੀਂ ਹੀ ਉਠ ਟੁਰੇ ਧਾੜਾ ਕੀ ਪੈਂਦੈ ਤੁਸਾਂ ਆ?

 

ਸਾਕੀ ਬੀ ਹੁੰਦੈ ਮਜਲਸੇ ਪ੍ਯਾਲਾ ਸੁਰਾਹੀ ਹੋਂਵਦੇ,

ਵਾਹਵਾ ਬਹਾਦਰ ਗਾਯਕੋ ਪੈਂਦੀ ਪਰਾਂ ਤੇ ਬੂੰਦ ਨਾ।

 

ਤਾਹੀਓਂ ਕਵੀ ਗੁਰਦਾਸ ਨੇ ਰੰਗ ਰੱਤੜੇ ਪਿਰ ਆਪਣੇ,

ਪਉੜੀ ਉਚਾਰੀ ਇਕ ਸੀ' ਦਿੱਤੀ ਸੀ ਸਾਰੇ ਜਗ ਸੁਣਾ।

 

ਪ੍ਯੱਕੜ ਤਾਂ ਪੀ ਪੀ ਹੋ ਗਏ ਰੰਗ ਰੱਤੜੇ ਰਸ ਰੰਗ ਵਿਚ,

'ਗਾਯਕ ਪਿਆਊ ਰਹਿ ਗਏ ਵਿਚ ਅੱਕਰਾਂ ਵਿਚ ਟੱਕਰਾਂ।

(ਕਸੌਲੀ 11-9-50)

––––––––––––

1. ਦੇਖੋ ਭਾਈ ਗੁਰਦਾਸ ਵਾਰ 39-8।