ਢਾਢੀ

ਮੈਨੂੰ ਬਣਾ ਲੈ ਸਾਂਈਆਂ! ਮੈਨੂੰ ਬਣਾ ਲੈ ਢਾਢੀ,

ਐਪਰ ਇਹ ਦਰ ਦੇ ਤੇਰੇ ਲਾਇਕ ਨਹੀਂ ਹੈ ਢਾਢੀ।

ਤੇਰਾ ਹੀ ਰੂਪ ਹੋਇਆ ਢਾਢੀ ਹੈ ਇਕ ਤੇਰਾ

ਤੇਰੇ ਗੁਣਾਂ ਨੂੰ ਗਾਵੇ ਅਰਸ਼ਾਂ ਦਾ ਉਹ ਹੈ ਢਾਢੀ।

ਗਾਂਦਾ ਜਿਵੇਂ ਗੁਣਾਂ ਨੂੰ ਕੁਈ ਹੋਰ ਗਾ ਨ ਸੱਕੇ,

ਅਰਸ਼ਾਂ ਦੇ ਰਾਗ ਫਰਸ਼ੀ ਆਲਾਪਦਾ ਤੌਂ ਢਾਢੀ।

ਉਸ ਦੇ ਗੁਣਾਂ ਨੂੰ ਗਾਵਾਂ ਰਸ ਰੰਗ ਵਿੱਚ ਆ ਕੇ

ਉਸਦਾ ਬਣਾਦੇ ਸਾਂਈਆਂ! ਨਿੱਕਾ ਜਿਹਾ ਮੈਂ ਢਾਢੀ।

ਗੁਣ ਗਾਂਦਿਆਂ ਮੈਂ ਬੀਤੇ ਵਿਚ ਯਾਦ ਨੈਣ ਭਰਦੇ

ਵਿਚ ਪ੍ਯਾਰ ਧਰਥਰਾਂਦੇ ਐਸਾ ਬਣਾ ਦੇ ਢਾਢੀ।

(ਕਸੌਲੀ 27-8-50)