ਜਲਵਾ ਹੁਸਨ

ਤੂੰ ਜਲਵਾ ਹੁਸਨ ਦਾ ਟੁਕ ਪਾ ਦੇ ਲਾਲਨ!

ਕਿ ਜਲਵਾ ਹੁਸਨ ਦਾ ਮੇਰਾ ਜਿਵਾਲਨ।

 

ਖਲੀ ਹਾਂ ਦੁਆਰ ਤੇਰੇ ਤੇ ਸੁਆਲਨ!

ਕਿ ਪਰਤੌ ਦੂਰ ਤੋਂ ਹੀ ਪਾ ਦੇ ਲਾਲਨ!

 

ਤਿਰੀ ਇਸ ਮਿਹਰ ਵਿਚ ਮੇਰਾ ਹੈ ਪਾਲਨ,

ਮਟੱਕਾ ਮਿਹਰ ਦਾ ਮਟਕਾਦੇ ਲਾਲਨ !

 

ਫੁਹਾਰਾਂ ਨੂਰ ਵਰਸਾਂਦੇ ਹੋ ਬਾਲਮ!

ਛੂੰਹ ਇਕ ਮੇਰੇ ਤੇ ਬਿ ਪਾ ਦੇ ਲਾਲਨ!

 

ਤੁਸੀਂ ਸੁੰਦਰ, ਅਸੁੰਦਰ ਮੈਂ ਹਾਂ ਕੁਆਲਨ',

ਸੁਣੂਪ ਅਪਨੇ ਦਾ ਪਾਰਸ ਲਾ ਦੇ ਲਾਲਨ!

 

ਨਹੀਂ ਕੁਛ ਹੱਕ ਤੇ ਨਾਂ ਹੈ ਘਾਲਨ

ਝਲਕ ਨਿਜ ਰੂਪ ਦੀ ਝਲਕਾ ਦੇ, ਲਾਲਨ!

 

ਇਹ ਮਾਲਾ ਮੰਗਦੀ ਲੈ ਆਈ ਮਾਲਨ

ਇਨਾਮ ਇਕ ਮੁਸਕ੍ਰਿਨ ਦਾ ਪਾ ਦੇ ਲਾਲਨ!

(ਨਵੀ ਦਿੱਲੀ 17-3-50)

––––––––––

1. ਕੋਝੀ, ਕੁਆਲਿਓ, ਜਿਵੇਂ ਸੁਆਲਿਓ।