ਅਨੰਤੀ ਟੋਲ

ਇ ਲਭ ਪ੍ਰੀਤਮ ਦੀ ਹੈ ਔਖੀ ਇਹ ਦੁਰਲਭ ਹੈ ਬੜੀ ਦੁਰਲਭ

ਚਲੀ ਸੱਸੀ ਸੀ ਸ਼ਹੁ ਲੱਭਣ ਕਿ ਸੁਹਣੇ ਨੂੰ ਲਿਆਨੀਂ ਲਭ।

 

ਨ'ਸੀ ਜਾਣੂ ਸੁਰਾਗਾਂ ਦੀ ਨ ਸੀ ਮਹਿਰਮ ਉ ਰਾਹਾਂ ਦੀ

ਨ ਰਹਿਬਰ ਰਾਹ ਹੀ ਮਿਲਿਆ ਉ ਪ੍ਰੀਤਮ ਕਿਵ ਲਿਆਂਦੀ ਲਭ।

 

ਥਲਾਂ ਵਿਚ ਦੇ ਰਹੀ ਲਿੱਲਾਂ ਕੁਕੇਂਦੀ ਰਹਿ ਗਈ ਸ਼ੁਹਦੀ

ਗੁਆਚੀ ਆਪ ਲਭਦੀ ਉਸ ਨ ਮਿਲਿਆ ਓ ਸੀ ਜਿਸਦੀ ਲਭ।

 

ਵਿਛੁੱਨੀ ਟੁਰ ਗਈ ਸੱਸੀ ਪੈ ਸ਼ਹੁ ਵਿਚ ਸੁਰਤ ਪ੍ਰੇਤੀ ਲੈ,

ਜੁ 'ਅੰਤੀ ਟੋਲ ਨਾ ਮਿਲਿਆ 'ਅਨੰਤੀ/ਟੇਲ ਲੈਸੀ ਲੱਭ।

 

ਜਿਵੇਂ ਤੱਕੇ ਕਿ ਦੁਨੀਆਂ ਵਿਚ ਨਦੀਆਂ ਤੋਂ ਵਿਛੁੱਨਨ ਵਾਹ

ਟੁਰੇ ਰਹਿੰਦੇ, ਟੁਰੇ ਰਹਿੰਦੇ ਸਮੁੰਦਰ ਪਹੁੰਚ ਮਿਲਦੇ ਲਭ।

(ਕਸੋਲੀ 31-8-50)