ਛਿਨ ਛਿਨ ਨਾਮ

ਹੱਯੋ, ਉਠੀ ਮਨਾਂ ਮੇਰੇ ਕਿ ਬੀਤੇ ਰਾਤ ਨਾ ਬਿਨ ਨਾਮ

ਤੂੰ ਰਖ ਉਸ ਯਾਦ ਸੁਹਣੇ ਨੂੰ ਪਕੜ ਪੱਲਾ ਤੇ ਗਿਨ ਗਿਨ ਨਾਮ।

 

ਨ ਆਵੇ ਆਪ ਜੇ ਸੁੰਦਰ ਨਿਰਾਸਾ ਹਥ ਨ ਚੜ ਜਾਵੀਂ

ਇ ਯਾਦ ਉਸਦੀ ਹੈ ਖਿਚ ਉਸਦੀ ਉ ਆਪੇ ਹੀ ਹੈ ਇਨ ਬਿਨ ਨਾਮ।

 

ਉ ਲਾਂਦਾ ਤੇ ਪੁਗਾਂਦਾ ਏ ਇ ਉਸ ਦੇ ਖੇਲ ਹਨ ਸਹੀਓ!

ਖਿਲਾੜੀ ਜਾ ਖਿਲਾਵੇ ਜਿਉਂ ਖਿਲੇਂਦੀ ਰਹੁ ਤੂੰ ਘਿਨ ਘਿਨ ਨਾਮ।

 

ਉ ਨਾਮ ਅਪਣੇ ਤੋਂ ਵਖ੍ਰਾ ਨਾ ਵਸੇਂਦਾ ਵਿਚ ਹੈ ਇਸ ਦੇ

ਉ ਛਿਨ ਛਿਨ ਨਾਲ ਹੈ ਤੇਰੇ ਲਵੇਂ ਉਸਦਾ ਜਿ ਛਿਨ ਛਿਨ ਨਾਮ।

 

ਉ ਹੈ ਰਸ ਰੂਪ ਸੁੰਦਰ ਖੁਦ, ਉ ਰਸ ਭਰਦਾ ਹੈ ਨਾਂ ਅਪਣੇ,

ਉ ਰਸ ਮਾਣਨ ਪਰੀਤਮ ਦਾ ਲਵਣ ਹਿਤ ਵਿਚ ਜੁ ਭਿੰਨ ਭਿੰਨ ਨਾਮ।

(ਕਸੌਲੀ 31-8-50)