ਕਿਸੇ ਜ਼ਮਾਨੇ ਦੇ

ਇੱਕੋ ਸੱਚ ਦਾ ਹੀ ਤੌਕ

ਗਲ ਵਿੱਚ ਮੈਂ ਪਾ ਨਹੀਂ ਸਕਦਾ

ਮੈਂ ਸੋਚ ਨੂੰ ਕਿਓਂ ਲਗਾਮ ਦੇਵਾਂ

ਪਸ਼ੂ ਤੇ ਨਹੀਂ ਆਂ

ਮੈਂ ਤੇ ਬੇਕੈਦ ਹਾਂ ਬੁੱਲੇ ਵਾਂਗੂੰ

ਤੇ ਚੌਦੀਂ ਤਬਕੀਂ ਹੈ ਸੈਰ ਮੇਰਾ

ਮੈਂ ਆਪਣੇ ਬਾਹੂ ਦਾ ਹਾਂ ਪਿਆਰਾ

ਕਦਮ ਅਗੇਰੇ ਕਿਵੇਂ ਨਾ ਰੱਖਾਂ

ਮੇਰਾ ਸਲਾਮਤ ਏ ਇਸ਼ਕ ਯਾਰੋ

 

ਮੈਂ ਬੇਈਮਾਨ ਆਂ.........।

ਮੈਂ 'ਬੇਈਮਾਨ ਆਂ........।

ਭੁੱਖ

ਪਹਿਲੀ ਭੁੱਖ ਏ ਢਿੱਡ ਦੀ।

ਦੂਜੀ ਢਿੱਡ ਤੋਂ ਥੱਲੇ ਦੀ।

ਤੀਜੀ ਸਭ ਤੋਂ ਡਾਢੀ ਏ,

ਨਾਂ, ਨਾਵੇਂ ਤੇ ਪੱਲੇ ਦੀ।

ਨਿਜ਼ਾਮ

ਬਾਲਣ 600 ਰੁਪਈਏ ਮਣ

ਗੰਨਾ 180 ਰੁਪਈਏ ਮਣ

ਜਾਤੀ ਬਿਆਨ

ਮੈਂ ਕਿਸੇ ਦਾ ਸੁੱਕਾ ਨਈਂ

ਮੈਨੂੰ ਸਾਰੇ ਇੱਕੋ ਜਏ ਨੇ

ਸਾਰੀ ਦੁਨੀਆਂ ਮੇਰੀ ਏ

ਮੈਂ ਕਿਸੇ ਦਾ ਸੁੱਕਾ ਨਈਂ