ਭੁੱਖ

ਪਹਿਲੀ ਭੁੱਖ ਏ ਢਿੱਡ ਦੀ।

ਦੂਜੀ ਢਿੱਡ ਤੋਂ ਥੱਲੇ ਦੀ।

ਤੀਜੀ ਸਭ ਤੋਂ ਡਾਢੀ ਏ,

ਨਾਂ, ਨਾਵੇਂ ਤੇ ਪੱਲੇ ਦੀ।

ਇੰਨਾ ਸੱਚਾ ਹੋ ਜਾਨਾਂ ਵਾਂ

ਕਦੀ-ਕਦੀ ਤੇ ਇੰਨਾਂ ਸੱਚਾ ਹੋ ਜਾਨਾਂ ਵਾਂ

ਤਾਂ ਆਪਣੇ ਆਪ ਤੋਂ ਡਰ ਲੱਗਦਾ ਏ

ਜਿਉਂਦਾ ਪੱਥਰ ਬਣ ਜਾਨਾਂ ਵਾਂ

ਆਪਣੇ ਆਪ ਨੂੰ ਸਜਦਾ ਕਰਨਾਂ

ਮਿੰਨਤਾਂ ਕਰਨਾਂ, ਪੈਰੀਂ ਪੈਨਾਂ

ਜਿਵੇਂ ਕੋਈ ਪੱਕਾ ਮੋਮਨ ਹਸ਼ਰ ਦਿਹਾੜੇ

ਰੱਬ ਦੇ ਕੋਲੋਂ ਆਪਣੀ ਬਖ਼ਸ਼ਿਸ਼ ਮੰਗਦਾ ਹੋਵੇ

ਕਦੀ-ਕਦੀ ਤੇ ਇੰਨਾਂ ਸੱਚਾ ਹੋ ਜਾਨਾਂ ਵਾਂ

ਆਪਣੇ ਆਪ ਤੋਂ ਡਰ ਲੱਗਦਾ ਏ

ਜਾਤੀ ਬਿਆਨ

ਮੈਂ ਕਿਸੇ ਦਾ ਸੁੱਕਾ ਨਈਂ

ਮੈਨੂੰ ਸਾਰੇ ਇੱਕੋ ਜਏ ਨੇ

ਸਾਰੀ ਦੁਨੀਆਂ ਮੇਰੀ ਏ

ਮੈਂ ਕਿਸੇ ਦਾ ਸੁੱਕਾ ਨਈਂ

ਰਾਹ

ਵੇਖੀ ਦਾ ਏ

ਪੁੱਛੀ ਦਾ ਏ

ਦੱਸੀ ਦਾ ਏ

ਮੋੜੀ ਦਾ ਏ

ਬਦਲੀ ਦਾ ਏ

ਡੱਕੀ ਦਾ ਨਈਂ ।