ਕੇ ਲੇਟ ਗਈ। ਲਗਾਤਾਰ ਗੋਲੀਬਾਰੀ ਹੁੰਦੀ ਰਹੀ। ਦੂਜੇ ਕਮਰੇ ਵਿਚੋ ਦੋਹਤੇ ਦੀ ਚੀਕ ਸੁਣਾਈ ਦਿਤੀ- ਨਾਨਾ...।

ਤਾਸਕੀ ਲਿਖਦਾ ਹੈ- ਦੋਹਤੇ ਦੀ ਚੀਕ ਵਰਗੀ ਭਿਆਨਕ ਅਵਾਜ ਮੈਂ ਜੀਵਨ ਵਿਚ ਹੋਰ ਨਹੀਂ ਸੁਣੀ। ਸਾਡਾ ਦੋਹਾਂ ਦਾ ਖੂਨ ਜਮ ਗਿਆ ਜਿਵੇਂ। ਦੋ ਸੌ ਗੋਲੀਆਂ ਚੱਲੀਆਂ। ਸੇਵਾ ਨੂੰ ਮਾਰ ਗਏ ਕਿ ਲੈ ਗਏ? ਫਿਰ ਸੇਵਾ ਦੇ ਕਮਰੇ ਵਿਚ ਬੰਬ ਚੱਲਣ ਦਾ ਧਮਾਕਾ ਹੋਇਆ। ਇਕ ਆਦਮੀ ਨੇ ਦੋਹਾਂ ਕਮਰਿਆਂ ਵਿਚ ਝਾਤ ਮਾਰੀ। ਕੋਈ ਨਹੀਂ ਦਿਸਿਆ। ਉਸ ਨੇ ਸੋਚਿਆ- ਕੰਮ ਫਤਿਹ ਹੋ ਗਿਆ ਹੈ। ਦੇਰ ਤਕ ਮੌਤ ਦੀ ਖਾਮੋਸ਼ੀ। ਕਿਧਰ ਗਏ ਸਭ? ਬਾਕੀ ਜੀਅ? ਗਾਰਡ? ਕੀ ਸਾਰੇ ਮਾਰ ਦਿਤੇ ?

ਦੇਰ ਬਾਅਦ ਸੇਵਾ ਦੀ ਆਵਾਜ਼ ਆਈ- ਨਾਨਾ । ਕਿਥੇ ਹੋ ?

ਨਾਨੀ ਨੇ ਭੱਜ ਕੇ ਜੱਫੀ ਪਾ ਲਈ। ਪੈਰ ਜ਼ਖਮੀ ਹੋ ਗਿਆ ਸੀ। ਤਖਤਪੋਸ਼ ਹੇਠ ਵੜਕੇ ਉਸ ਨੇ ਜਾਨ ਬਚਾਈ। ਲੁਕਿਆ ਸੋਚਦਾ ਰਿਹਾ, ਨਾਨਾ ਨਾਨੀ ਮਰ ਗਏ ਹਨ।

ਤਾਸਕੀ ਬਾਹਰ ਆਇਆ। ਹਥਿਆਰ ਰਹਿਤ ਗਾਰਡ ਦਰਖਤਾਂ ਨਾਲ ਨੂੜੇ ਪਏ ਸਨ। ਉਨ੍ਹਾਂ ਦੱਸਿਆ- ਚਾਰ ਵਜੇ ਦੇ ਕਰੀਬ ਪੁਲਸ ਵਰਦੀ ਵਿਚ ਵੀਹ ਹਥਿਆਰਬੰਦ ਬੰਦੇ ਸਾਡੇ ਤੇ ਝਪਟੇ ਤੇ ਸਾਡੇ ਹਥਿਆਰ ਖੋਹ ਕੇ ਸਾਨੂੰ ਇਥੇ ਬੰਨ੍ਹ ਗਏ। ਜਾਂਦੇ ਹੋਏ ਤਾਸਕੀ ਦੀਆਂ ਦੋ ਕਾਰਾਂ ਵੀ ਲੈ ਗਏ। ਇਹ ਕਾਰਾਂ ਕਿਲੇ ਵਰਗੇ ਘਰ ਵਿਚ ਖਤਰੇ ਸਮੇਂ ਤਿਆਰ ਬਰਤਿਆਰ ਰੱਖੀਆਂ ਜਾਂਦੀਆਂ ਸਨ ਤੇ ਚਾਬੀਆਂ ਵੀ ਵਿਚੋਂ ਹੁੰਦੀਆਂ।

ਅੱਧੇ ਘੰਟੇ ਬਾਅਦ ਮੈਕਸੀਕ ਪੁਲਸ ਦਾ ਚੀਫ ਆਇਆ ਤੇ ਮੌਕੇ ਦਾ ਮੁਆਇਨਾ ਕੀਤਾ। ਤਾਸਕੀ ਨੂੰ ਪੁੱਛਿਆ- ਕਿਸੇ ਤੇ ਸ਼ੱਕ? ਤਾਸਕੀ ਨੇ ਕਿਹਾ- ਸਟਾਲਨ। ਹੋਰ ਕੌਣ ?

ਪੁਲੀਸ ਚੀਫ ਨੂੰ ਸ਼ੱਕ ਹੋਇਆ। ਲੱਗਿਆ ਤਾਸਕੀ ਨੇ ਆਪੇ ਡਰਾਮਾ ਰਚਾਇਆ ਹੈ। ਏਡੀ ਜਬਰਦਸਤ ਫਾਇਰਿੰਗ ਵਿਚ ਸਾਰੇ ਬਚ ਗਏ- ਇਹ ਕਿਵੇਂ ਹੋ ਸਕਦੇ? ਏਡੀ ਦੁਰਘਟਨਾ ਪਿਛੋਂ ਤਾਸਕੀ ਪੂਰਾ ਸ਼ਾਂਤ ਹੈ। ਮਾਮਲਾ ਸ਼ੱਕੀ ਲਗਦਾ ਹੈ। ਗੋਲੀਆਂ ਦੇ 72 ਨਿਸ਼ਾਨ ਤਾਂ ਚੀਫ ਨੇ ਆਪ ਗਿਣੇ? ਉਸ ਦੇ ਘਰ ਦੁਆਲੇ ਗਾਰਦ ਵਧਾਈ ਤੇ ਕੰਧਾਂ ਹੋਰ ਉਚੀਆ ਕੀਤੀਆਂ। ਉਸਾਰੀ ਹੁੰਦੀ ਦੇਖ ਕੇ ਮੁਸਕਾਉਂਦਿਆਂ ਤਾਸਕੀ ਨੇ ਕਿਹਾ- ਸਭਿਅਤਾ ਉਸਰ ਰਹੀ ਹੈ। ਆਦਮੀ ਤਰੱਕੀ ਕਰ ਗਿਆ।

ਜੈਕਸਨ ਨਾਂ ਦਾ ਇਕ ਬੰਦਾ ਕਦੀ ਕਦਾਈਂ ਉਸ ਨੂੰ ਮਿਲਣ ਆਉਂਦਾ, ਸਵਾਲ ਪੁੱਛਦਾ ਤੇ ਆਪਣੀ ਲਿਖਤ ਸੋਧਣ ਦੀ ਬੇਨਤੀ ਕਰਦਾ। ਤਾਸਕੀ ਅਪਣੇ ਖਰਗੋਸ਼ਾਂ ਨੂੰ ਘਾਹ ਖੁਆ ਰਿਹਾ ਸੀ ਕਿ ਪਤਨੀ ਨੇ ਕਿਹਾ- ਜੈਕਸਨ ਆਇਐ। ਉਹ ਉਠਿਆ ਤੇ ਮਹਿਮਾਨ ਪਾਸ ਚਲਾ ਗਿਆ। ਕਿਹਾ- ਤੂੰ ਅੱਜ