ਐਨੇ ਨੂੰ ਉਸਦੇ ਬਾਪੂ ਜੀ ਬਾਹਰੋਂ ਆਏ ਤੇ ਕਹਿੰਦੇ, "ਦੇਖ ਗੁੱਡੀ ਤੇਰੀ ਪਸੰਦ ਦਾ ਸੂਟ ਲੈ ਕੇ ਆਇਆ।" ਗੁੱਡੀ ਨੇ ਅੱਖਾਂ ਪੂੰਝ ਕੇ ਸੂਟ ਵਾਲਾ ਲਿਫਾਫਾ ਫੜ੍ਹਦੇ ਕਿਹਾ, 'ਅੱਛਾ ਬਾਪੂ ਐਹ ਦੱਸ ਤੈਨੂੰ ਕਿਵੇਂ ਪਤਾ ਕਿ ਆਹੀਂ ਸੂਟ ਪਸੰਦ ਸੀ ਮੈਨੂੰ ..." ਗੁੱਡੀ ਦੇ ਬਾਪੂ ਨੇ ਪਾਣੀ ਪੀਂਦੇ ਹੋਏ ਕਿਹਾ, "ਬਾਪੂ ਆਂ, ਪੁੱਤ ਤੇਰਾ ਚਿਹਰਾ ਪੜ੍ਹ ਕੇ ਦੱਸ ਸਕਦਾਂ .. ਕੀ ਪਸੰਦ ਕੀ ਨਾਪਸੰਦ ਏ ਤੈਨੂੰ...।" ਗੁੱਡੀ ਬਾਪੂ ਦੀ ਗੱਲ ਸੁਣ ਮਨ 'ਚ ਸੋਚ ਰਹੀ ਸੀ ਕਿ ਕਾਸ਼! ਬਾਪੂ ਤੂੰ ਬਿਨਾਂ ਕਹੇ ਮੇਰਾ ਮਨ ਪੜ੍ਹ ਲਵੇਂ ਤੇ ਮੈਨੂੰ ਉਸਦੇ ਲੜ੍ਹ ਲਾ ਦੇਵੇ... ਜਾਤਾਂ ਪਾਤਾਂ ਤੋਂ ਪਰ੍ਹੇ ਹੋ .. ਤੈਨੂੰ ਪਤਾ ਮੈਨੂੰ ਜਾਤਾਂ ਪਾਤਾਂ ਨੀ ਪਸੰਦ .." ਗੁੱਡੀ ਬਿਨਾਂ ਕੁਛ ਕਹੇ ਸੂਟ ਲੈ ਕੇ ਅੰਦਰ ਕਮਰੇ ਵੱਲ ਚੱਲ ਪਈ।