.. ਉਹ ਤੇਰਾ ਹੀ ਮੁਹਾਂਦਰਾ ਹੁੰਦਾ ਏ ਰਾਤ ਸੁਪਨਾ ਆਇਆ ਸੀ ਕਿ ਮੈਂ ਆਪਣਾ ਪਿੰਡ ਅਬਲੂ ਕੋਟਲੀ ਤੈਨੂੰ ਦਿਖਾ ਰਿਹਾ ਸੀ...।"

ਵਾਰਡਨ ਨੇ ਜਦ ਅਬਲੂ ਕੋਟਲੀ ਪੜ੍ਹਿਆ ਤਾਂ ਉੱਥੇ ਹੀ ਕੁਰਸੀ 'ਤੇ ਬੈਠ ਪੁਰਾਣਾ ਵੇਲਾ ਯਾਦ ਕਰਨ ਲੱਗੀ... ਭੂਆ ਦੇ ਪਿੰਡ ਅਬਲੂ ਕੋਟਲੀ ਦਾ ਉਹ ਮੁੰਡਾ...ਦਿਲ ਦਾ ਟੁਕੜਾ... ਪਤਾ ਨਹੀਂ ਕਿਵੇਂ ਹੋਊ ... ਹੁਣ ਜਾਤ ਅੱਡ ਦੀ ਹੋਣ ਕਰਕੇ ਸਿਰੇ ਹੀ ਨਾ ਚੜ੍ਹਨ ਦਿੱਤਾ ਪਰਿਵਾਰ ਨੇ ਪਿਆਰ ਨੂੰ... ਉਹਨੇ ਅੱਖਾਂ ਭਰ ਲਈਆਂ ਤੇ ਇਹ ਚਿੱਤ ਕਰੇ ਉਹ ਅਬਲੂ ਕੋਟਲੀ ਕਿਸੇ ਅਣਜਾਣ ਦੇ ਪਤੇ 'ਤੇ ਖ਼ਤ ਲਿਖੇ ਤੇ ਪੁੱਛੇ ਕਿ ਕੁਲਵੰਤ ਪਟਵਾਰੀ ਦਾ ਕੀ ਹਾਲ ਏ। ਕਿੰਨਾ ਕੁਛ ਸਮੇਟਦੀ ਉਹ ਚਿੱਠੀ ਨੂੰ ਬੰਦ ਕਰ ਹੋਸਟਲ ਵਾਲੀ ਕੁੜੀ ਨੂੰ ਦੇਣ ਗਈ।

ਹੋਸਟਲ ਵਾਲੀ ਕੁੜੀ ਦੇ ਮੂੰਹ 'ਤੇ ਸਹਿਮ ਸੀ ਤੇ ਅੱਖਾਂ 'ਚ ਖ਼ਤ ਮਿਲਣ ਦੀ ਖੁਸ਼ੀ। ਵਾਰਡਨ ਨੂੰ ਪਹਿਲੀ ਵਾਰ ਉਹ ਕੁੜੀ ਨਾਲ ਆਪਣਾਪਣ ਮਹਿਸੂਸ ਹੋਇਆ... ਉਹਨੇ ਬਿਨਾਂ ਕੁੱਝ ਬੋਲੇ ਕੁੜੀ ਨੂੰ ਗਲ ਨਾਲ ਲਾ ਲਿਆ ਤੇ ਕਿਹਾ ਕਿ ਖਤਾਂ ਤੱਕ ਨਾ ਸਿਮਟ ਕੇ ਰਹਿ ਜਾਣਾ...। ਵਾਰਡਨ ਐਨਾ ਕਹਿ ਕਮਰੇ 'ਚੋਂ ਚਲੀ ਗਈ। ਕੁੜੀ ਨੂੰ ਵਾਰਡਨ ਦੀ ਗੱਲ ਸਮਝ ਨਾ ਆਈ ਕਿ ਕਿਉਂ ਕਿਹਾ ਉਹਨਾਂ ਇੰਝ। ਕੁੜੀ ਨੇ ਖ਼ਤ ਨੂੰ ਚੁੰਮਿਆ ਤੇ ਪੜ੍ਹਨ ਲੱਗ ਗਈ।