50

ਅੰਮ੍ਰਿਤਸਰ

२੮.੬.४४

ੴ ਸ੍ਰੀ ਵਾਹਿਗੁਰੂ ਜੀ ਕੀ ਫਤੇ

ਗੁਰੂ ਸਵਾਰੇ...ਜੀਓ

ਅਜ ਬਜ਼ਾਰ ਵਿਚ ਮੁਸੰਮੀਆਂ ਦਾ ਪਤਾ ਲਗਾ । ਮਹਾਂ ਸਿੰਘ ਜੀ ਨੂੰ ਕਿਹਾ ਕਿ ਹੁਣੇ ਪਾਰਸਲ ਕਰਕੇ ਦਾਦਾ ਜੀ ਲਈ ਘਲੋ ਕਿ ਆਪ ਦੀ ਤਾਰ ਪਹੁੰਚੀ ਕਿ ਮੁਸੰਮੀਆਂ ਦੇ ਆਧਾਰ ਤੇ ਜੀਣ ਵਾਲੇ ਪਯਾਰੇ ਦਾਦਾ ਜੀ ਗੁਰੂ ਚਰਨਾਂ ਵਿਚ ਚਲੇ ਗਏ ਹਨ । ਘਰ ਵਿਚ ਮੈਂ ਤੇ ਸ੍ਰੀ ਐਨਾ ਜੀ ਹੀ ਸਨ । ਤਾਰ ਪੜ੍ਹ ਕੇ ਮਨ ਸਖ਼ਤ ਦੁਖੀ ਹੋਇਆ ਐਸੇ ਨਾਮ ਦੇ ਪਿਆਰੇ ਗੁਰੂ ਦੇ ਸਵਾਰੇ ਪਵਿਤ੍ਰ ਜੀਵਨ ਵਾਲੇ ਤੇ ਪਰੋਪਕਾਰ ਵਿਚ ਜੀਵਨ ਸਫਲ ਕਰਨ ਵਾਲੇ ‘ਬਾਬਾ ਬੋਲਤੇ ਥੇ ਕਹਾ ਗਏ । ਕੈਸਾ ਸੁਹਣਾ ਸੁਭਾਗ ਜੀਵਨ ਬਸਰ ਕੀਤਾ ਹੈ ਰਸਨਾ ਨਾਮ ਵਿਚ ਹਿਲ ਰਹੀ ਹੈ ਯਾ ਗੁਰੂ ਗ੍ਰੰਥ ਸਾਹਿਬ ਦਾ ਪਾਠ ਤੇ ਵੀਚਾਰ ਕਰ ਰਹੇ ਹਨ ਯਾ ਯਤੀਮ ਬੱਚਿਆਂ ਦੇ ਕਾਰਜ ਸਵਾਰ ਰਹੇ ਹਨ। ਸਿੰਧ ਗਏ ਤਾਂ ਬੀ ਯਤੀਮਾਂ ਦੀ ਸੇਵਾ, ਪੰਜਾਬ ਆਏ ਤਾਂ ਬੀ ਯਤੀਮਾਂ ਤੇ ਸੂਰਮਿਆਂ ਸਿੰਘਾਂ ਦੀ ਸੇਵਾ, ਸਫ਼ਲ ਸਫ਼ਲ ਸਫਲ ਭਈ ਯਾਤਰਾ ॥ ਜਗਤ ਤੇ ਆਉਣਾ ਦਾਦਾ ਜੀ ਦਾ ਸਫਲ ਆਉਣਾ ਹੋਇਆ ਹੈ ਅਪਨਾ ਜੀਵਨ ਜਿਤ ਗਏ। ਪਰ ਪਿਛਲਿਆਂ ਨੂੰ ਅਤਿ ਦਾ ਵਿਯੋਗ ਹੈ । ਤੁਸੀ ਤੇ ਤੁਹਾਡੇ ਮਾਤਾ ਜੀ ਤੇ ਪਯਾਰੇ ਸੇਵਕ ਰਾਮ ਜੀ ਨੂੰ ਵਿਛੋੜਾ ਹੋਇਆ ਚਿਤ ਕਰਕੇ ਦਿਲ ਅਤਿ ਦਰੱਵਦਾ ਹੈ । ਪਰ ਤੇਜ ਜੀਓ ਤੇ ਰਤਨ ਜੀਓ ਤੇ ਪਯਾਰੇ ਸੇਵਕ ਰਾਮ ਜੀਓ ਤੇ ਟਿਕਲ ਜੀਓ ਗੁਰੂ ਤੁਹਾਡੇ ਸੰਗੀ ਹੋਵੇ । ਏਹ ਅਸਹਿ ਭਾਣੇ ਹੁਕਮ ਵਿਚ ਵਰਤਦੇ ਹਨ। ਹੁਕਮ ਮਾਲਕ ਪਾਲਕ ਦਾ ਹੈ ਜਿਸ ਅਗੇ ਸਭ ਸਿਰ ਨਿਉਂਦੇ ਹਨ । ਉਹ ਦਾਤਾ ਤੁਹਾਡਾ ਹੈ । ਸਹਾਈ ਹੋਵੇ । ਤੁਸੀਂ ਦਾਦਾ ਜੀ ਦੇ ਵਿਛੋੜੇ ਨੂੰ ਸਾਈਂ ਦਾ ਅਟਲ ਭਾਣਾ ਜਾਣ ਕੇ ਮਿਠਾ ਕਰਕੇ ਝਲੋ। ਗੁਰੂ ਤੁਹਾਨੂੰ ਮਦਦ ਦੇਵੇ । ਹਰ ਤਰਾਂ ਸਹਾਈ ਹੋਵੇ । ਜਿਸ ਨੇ ਇਹ ਬਿਰਹਾ ਦਿਤਾ ਹੈ ਉਹ ਆਪ ਦੇ ਦਿਲਾਂ ਵਿਚ ਵਸ ਕੇ ਆਪ ਨੂੰ ਸੁਖੀ ਕਰੋ । ਆਪ ਨੇ ਬਹੁਤ ਸੇਵਾ ਕੀਤੀ ਹੈ ਸਾਰੇ ਤਰਦਦ ਸੁਣਿਆ ਹੈ ਕੀਤੇ ਹਨ । ਪਰ ਜਦ ਹੁਕਮ ਸੱਚੇ ਨਾਲ ਕਰਤਾਰੋਂ ਸਦੇ ਆ ਜਾਣ ਤਾਂ

ਜਿਸਕੀ ਬਸਤੁ ਤਿਸੁ ਆਗੈ ਰਾਖੈ ॥

ਪ੍ਰਭ ਕੀ ਆਗਿਆ ਮਾਨੈ ਮਾਥੈ ॥