54

ਅੰਮ੍ਰਿਤਸਰ

१.४.४੭

ੴ ਸ੍ਰੀ ਵਾਹਿਗੁਰੂ ਜੀ ਕੀ ਫਤੇ

ਪਯਾਰੇ ਸਰਦਾਰ ਜੀਓ

ਆਪ ਜੀ ਦੇ ਰਿਸ਼ਤੇਦਾਰਾਂ ਉਤੇ ਜੋ ਅਤਯੰਤ ਦੁਖਦਾਈ ਘਟਨਾ ਵਾਪਰੀ ਹੈ ਰਾਤ ਅਖ਼ਬਾਰ ਵਿਚ ਪੜ੍ਹੀ ਹੈ । ਜਿਸ ਨੂੰ ਪੜ੍ਹ ਕੇ ਚਿਤ ਨੂੰ ਮਹਾਨ ਖੇਦ ਹੋਇਆ । ਇਕ ਸਨਬੰਧੀ ਘਰ ਦੇ ਗੁਜਰ ਗਿਆ ਤਾਂ ਮਹਾਨ ਸ਼ੋਕ ਵਾਪਰਦਾ ਹੈ ਆਪ ਦੇ ਅੱਸੀ ਰਿਸ਼ਤੇਦਾਰ ਇਕਦੰਮ ਸ਼ਹੀਦ ਹੋ ਗਏ ਜੋ ਸਦਮਾ ਇਤਨੀ ਸਟ ਦਾ ਹੋ ਸਕਦਾ ਹੈ ਅੰਦਾਜ਼ਾ ਲਾ ਸਕਨਾ ਕਠਨ ਹੈ । ਪਰ ਆਪ ਜੀ ਅਚਰਜ ਸਹਿਨਸ਼ੀਲਤਾ ਨਾਲ ਝਲ ਰਹੇ ਹੋ ।

ਵਾਹਿਗੁਰੂ ਜੀ ਦਾ ਭਾਣਾ ਕਿਸੇ ਕਿਸੇ ਵੇਲੇ ਅਤਿ ਬਿਖਮ ਹੋ ਕੇ ਵਰਤਦਾ ਹੈ । ਉਥੇ ਭਾਣੇ ਦੇ ਸਾਈਂ ਅਗੇ ਅਰਦਾਸ ਹੈ ਕਿ ਆਪ ਜੀ ਨੂੰ ਅਪਨੇ ਦਰੋਂ ਘਰੋਂ ਹੋਰ ਸਹਾਰਾ ਬਖ਼ਸ਼ੇ । ਤੇ ਜਿਤਨਾ ਕਠਨ ਭਾਣਾ ਉਸ ਦਾਤੇ ਨੇ ਘਲਿਆ ਹੈ ਉਤਨਾ ਹੀ ਵਡਾ ਜਿਗਰਾ ਤੇ ਸੰਤੋਖ ਦਾਨ ਕਰੋ ਤੇ ਆਪ ਦੇ ਵਿਛੁੜੇ ਦਿਲ ਉਤੇ ਆਪ ਅਪਨੇ ਪਿਆਰ ਦੀ ਮਰਹਮ ਲਗਾਵੇ । ਨਾਲ ਹੀ ਇਹ ਅਰਦਾਸ ਉਸ ਦੇ ਚਰਨਾਂ ਵਿਚ ਹੈ ਕਿ ਵਿਛੁੜੇ ਸਾਰੇ ਸਨਬੰਧੀਆਂ ਦੀ ਆਤਮਾ ਨੂੰ ਅਪਨੇ ਚਰਨਾਂ ਵਿਚ ਨਿਵਾਸ ਬਖ਼ਸ਼ੇ, ਜਿਨ੍ਹਾਂ ਨੂੰ ਕਿ ਕੇਵਲ ਅਪਨੇ ਧਰਮ ਦੀ ਖ਼ਾਤਰ ਇਸ ਭਯਾਨਕ ਘਟਨਾ ਨਾਲ ਸਰੀਰ ਤਯਾਗਨੇ ਪਏ ਹਨ। ਸ਼ਹੀਦਾਂ ਦਾ ਸਿਰਤਾਜ ਕਲਗੀਆਂ ਵਾਲਾ ਪਾਤਸ਼ਾਹ ਉਨ੍ਹਾਂ ਦੀ ਆਤਮਾਂ ਦਾ ਆਪ ਸਹਾਈ ਹੋਵੇ ।

ਆਪ ਦਾ ਹਿਤਕਾਰੀ

 ਵੀਰ ਸਿੰਘ