ਬੱਸ। ਮਹਾਰਾਜ ਦਾ ਹੁਕਮ ਸੀ।
ਕੈਂਠਾ ਗਲੋਂ ਲਾਹ ਕੇ ਮਹਾਰਾਜ ਨੇ ਉਠ ਕੇ ਆਪ ਹਰੀਏ ਦੇ ਗਲ ਵਿਚ ਪਾਇਆ।
ਕੀ. ਨਾ ਏ ਬੱਚੂ ਤੇਰਾ?
ਹਰੀ ਸਿੰਘ ਮਹਾਰਾਜ।
ਕਿਹੜਾ ਪਿੰਡ ਈ? ਧੰਨ ਏ ਓਹ ਮਾਂ ਜਿਨੇ ਤੈਨੂੰ ਜਨਮ ਦਿੱਤਾ। ਕੀ ਨਾਂ ਏ ਤੇਰੇ ਪਿਉ ਦਾ?
ਗੁਜ਼ਰਾਂ ਵਾਲਾ ਮੇਰਾ ਪਿੰਡ ਏ। ਸ਼ੁਕਰਚਕੀਆਂ ਮਿਸਲ ਦੇ ਕੁੰਮੇਦਾਰ ਸਰਦਾਰ ਗੁਰਦਿਆਲ ਸਿੰਘ ਦਾ ਮੈਂ ਪੁੱਤ ਹਾਂ।
ਸ਼ੇਰਾਂ ਦਾ ਪੁੱਤ ਸ਼ੇਰ ਈ ਹੁੰਦੇ ਨੇ।
ਐਨੀ ਗੱਲ ਸੁਣ ਕੇ ਮਹਾਰਾਜ ਗਦ ਗਦ ਹੋ ਗਏ। ਤੇ ਫੇਰ ਹਕੀਮ ਰਾਮ ਸਹਾਏ ਆਖਣ ਲੱਗਾ, ਬੱਸ ਉਸੇ ਵੇਲੇ ਹੁਕਮ ਹੋਇਆ, ਹਰੀ ਸਿੰਘਾ ਅਜ ਤੋਂ ਤੂੰ ਮੇਰਾ ਹਜ਼ੂਰੀ ਖਿਦਮਤਗਾਰ ਏ। ਹੁਣੇ ਆਪਣੀ ਡਿਊਟੀ ਸਾਂਭ ਲੈ। ਤੇ ਆਪਣੇ ਚਾਰ ਸਾਥੀ ਆਪਣੀ ਮਰਜ਼ੀ ਨਾਲ ਚੁਣ ਲੈ। ਅੱਜ ਤੋਂ ਨਹੀਂ ਹੁਣੇ ਤੋਂ ਈ ਤੂੰ ਪੰਜਾਬ ਸਰਕਾਰ ਦਾ ਨੌਕਰ ਹੈ ਗਿਐ ।
ਇਕ ਦਮ ਹਰੀ ਸਿੰਘ ਨੂੰ ਸਲਾਮੀਆਂ ਹੋਣ ਲੱਗ ਪਈਆਂ। ਹਰੀ ਸਿੰਘ ਮਹਾਰਾਜ ਦੀ ਅਰਦਲ ਵਿਚ ਜਾ ਬੈਠਾ
ਭੱਟ ਆਪਣੀ ਗੱਲ ਸੁਣਾ ਕੇ ਚੁੱਪ ਹੋ ਗਿਆ।
