ਸੁਮਨ ਬੁਰਜ

 

ਲਾਲ ਕਿਲ੍ਹਾ, ਜਾਮਾ ਮਸਜਿਦ, ਸੁਨਹਿਰੀ ਮਸਜਿਦ, ਅਨਾਰ ਕਲੀ ਵਜ਼ੀਰ ਖਾਂ ਦੀ ਮਸਜਿਦ, ਲਾਹੌਰੀ ਦਰਵਾਜ਼ਾ, ਅਕਬਰੀ ਦਰਵਾਜਾ, ਕਿਲ੍ਹਾ ਗੁਜਰ ਸਿੰਘ. ਦਾਤਾ ਗੰਜ ਬਖਸ਼, ਨਵਾਬ ਸ਼ਾਹ ਆਲਮੀ ਗੇਟ ਇਹ ਲਾਹੌਰ ਦੀਆਂ ਮਸ਼ਹੂਰ ਤੇ ਇਤਿਹਾਸਕ ਜਗ੍ਹਾ ਹਨ। ਇਸੇ ਤਰ੍ਹਾਂ ਸੁਮਨ ਬੁਰਜ ਦਾ ਨਾਂ ਵੀ ਇਤਿਹਾਸ ਦੀ ਹਿੱਕ ਤੇ ਉਭਰਿਆ ਹੋਇਆ ਹੈ। ਸੁਮਨ ਬੁਰਜ ਜਹਾਂਗੀਰ, ਅਨਾਰਕਲੀ ਤੇ ਨੂਰ ਜਹਾਂ ਦੀ ਯਾਦ ਤਾਜ਼ਾ ਕਰਦਾ ਏ। ਇਹਦੀ ਬੁੱਕਲ ਵਿਚ ਪਿਆਰ ਦੀਆਂ ਗੇਂਦਾਂ ਗੁੰਦੀਆਂ ਗਈਆਂ। ਸਾਰੀ ਮੁਹਬੱਤ ਦੀ ਕਹਾਣੀ ਸੁਮਨ ਬੁਰਜ ਵਿਚ ਹੀ ਵਾਪਰੀ ਤੇ ਇਥੇ ਹੀ ਮੁਹਬੱਤ ਦਾ ਪਰਦਾ ਫਾਸ਼ ਹੋਇਆ।

ਦਸਤਰ ਖਾਨ ਵਿਛ ਗਿਆ। ਖਾਣੇ ਚੁਨਣ ਤੋਂ ਪਹਿਲਾਂ ਨਜ਼ਰਾਨੇ ਦੀਆਂ ਮੁਹਰਾ ਵਿਖਾਈਆਂ ਗਈਆਂ। ਇਹ ਮੋਹਰਾਂ ਫਕੀਰ ਅਜੀਜ਼ ਉਦ ਦੀਨ ਦੇ ਪੋਟਿਆਂ ਨਾਲ ਗਿਣੀਆਂ ਹੋਈਆਂ ਸਨ। ਭਾਵੇਂ ਇਹ ਮਹਿਫਲ ਸੁਮਨ ਬੁਰਜ ਵਿਚ ਹੀ ਹੋ ਰਹੀ ਸੀ ਤੇ ਉਹਦੇ ਵਿਚ ਪ੍ਰਾਹੁਣੇ ਵਫਾ ਬੇਗਮ, ਸ਼ਾਹ ਜ਼ਮਾਨ ਸ਼ਾਮਲ ਸਨ ਪਰ ਮਹਾਰਾਣੀਆਂ ਵੀ ਉਨ੍ਹਾਂ ਨਾਲ ਢੁੱਕ ਕੇ ਬੈਠੀਆਂ ਹੋਈਆਂ ਸਨ।

ਇਹ ਕੇਸਰੀ ਪੁਲਾਓ ਏ. ਹਜੂਰ-ਏ-ਆਲਾ। ਨੈਸ਼ ਫਰਮਾਏ। ਫਕੀਰ ਅਜ਼ੀਜ਼ ਉਦ ਦੀਨ ਦੇ ਬੋਲ ਸਨ।

ਖੁਸ਼ਬੂ ਔਰ ਜਾਇਕਾ ਖੂਬ ਹੈ ਮਗਰ ਇਸ ਕਾ ਰੰਗ ਕੈਸਾ ਹੈ ਯੇ ਤੋ ਬਤਾ ਦੇ। ਯੇ ਮੇਰੇ ਬਸ ਕੀ ਬਾਤ ਨਹੀਂ। ਕਾਸ਼ ਆਂਖੇ ਹੋਤੀ ਤੇ ਮੈਂ ਦੇਖ ਸਕਤਾ। ਕਿਉਂ ਬੇਗਮ ਕੈਸਾ ਰੰਗ ਹੈ?

ਜ਼ਾਫਰਾਨ ਜੈਸਾ। ਜੈਸੇ ਕਸ਼ਮੀਰ ਮੇਂ ਜਾਫਰਾਨ ਕੇ ਫੂਲ ਖਿਲੇ ਹੈਂ। ਹਾਏ ਅੱਲਾਹ। ਕਸ਼ਮੀਰ। ਬੇਗਮ ਦਾ ਸਾਹ ਉਤੇ ਦਾ ਉਤੇ ਰਹਿ ਗਿਆ।

ਕਿਆ ਹੁਆ ਮੁਹਤ੍ਰਮਾ, ਤਬੀਅਤੇ ਦੁਸ਼ਮਨਾ ਨਾਸਾਜ਼ ਹੈ? ਫਕੀਰ ਸਾਹਿਬ ਦੀ ਆਵਾਜ਼ ਸੀ।

ਕੀ ਹੋਇਆ ਬੇਗਮ ਸਾਹਿਬਾ ਨੂੰ? ਮਹਾਰਾਜ ਸਾਹਿਬ ਆਖਣ ਲੱਗੇ।

ਦਿਲ ਤੇ ਕੁਝ ਗਮ ਦਾ ਅਸਰ ਏ। ਫਿਕਰ ਵਾਲੀ ਕੋਈ ਗੱਲ ਨਹੀਂ। ਬੇਗਮ ਹੁਣੇ ਠੀਕ ਹੋ ਜਾਏਗੀ। ਪਾਣੀ ਦੇ ਛਿਟੇ ਮਾਰੇ ਤੇ ਇਹ ਪੁੜੀ ਦਿਓ। ਫਕੀਰ ਦੇ ਬੋਲ ਉਹਦੇ