ਸ਼ਿਤਹ ਹੋ ਸਕਦਾ ਹੈ। ਨਹੀਂ ਤੇ ਉਖਲੀ ਵਿਚ ਸਿਰ ਦੇਣਾ ਪਊ। ਗੱਲ ਇਹ ਵੀ ਪਤੇ ਦੀ ਏ। ਮੋਹਕਮ ਚੰਦ ਦੇ ਬੋਲ ਸਨ।

ਮੈਂ ਖੁਦ ਫੌਜ ਦੇ ਨਾਲ ਚਲਦਾ ਹਾਂ। ਮਹਾਰਾਜ ਨੇ ਫਰਮਾਇਆ।

ਸ਼ਾਮ ਸਿੰਘ ਅਟਾਰੀ ਵਾਲੇ ਨੇ ਆਖਿਆ, 'ਮੇਰਾ ਵਿਚਾਰ ਏ ਕਿ ਕਸ਼ਮੀਰ ਤੇ ਸਿੱਧਾ ਹਮਲਾ ਨਾ ਕੀਤਾ ਜਾਏ। ਪਹਿਲਾਂ ਅਟਕ ਦਾ ਗੜ੍ਹ ਤੋੜਿਆ ਜਾਏ, ਉਹਦੇ ਨਾਲ ਕਸ਼ਮੀਰ ਦੀ ਤਾਕਤ ਦਾ ਅੱਧਾ ਲੱਕ ਟੁੱਟ ਜਾਏਗਾ। ਅਤਾ ਮਹੰਮਦ ਖਾਂ, ਗਵਰਨਰ ਕਸ਼ਮੀਰ ਜਹਾਂਦਾਤ ਖਾਂ ਨਾਜ਼ਮ ਅਟਕ ਦਾ ਭਰਾ ਏ। ਭਰਾਵਾਂ ਦੇ ਲਹੂ ਪੰਘਰ ਪੈਂਦੇ ਹਨ, ਮੁੜ੍ਹਕਾ ਭਰਾਵਾਂ ਨੂੰ ਹੀ ਆਉਂਦਾ ਏ। ਜਹਾਂਦਾਤ ਖਾਂ ਮਹਿਮੂਦ ਸ਼ਾਹ ਦਾ ਜਿਗਰੀ ਯਾਰ ਏ। ਇਸ ਲਈ ਅਸੀਂ ਮੁਸ਼ਕਲ ਵਿਚ ਵੀ ਫਸ ਜਾਵਾਂਗੇ। ਅਟਕ ਤੇ ਹਮਲਾ ਕਰਨ ਨਾਲ ਉਹਨਾਂ ਦੇ ਸਾਰੇ ਚਿਹਨ ਚੱਕਰ ਨਜ਼ਰ ਆ ਜਾਣਗੇ। ਕੌਣ ਕਿੰਨੇ ਪਾਣੀ ਵਿਚ ਏ ਸਾਨੂੰ ਪਤਾ ਲਗ ਜਾਏਗਾ। ਮੇਰਾ ਖਿਆਲ ਏ ਫੌਜ ਤਿੰਨਾਂ ਹਿੱਸਿਆਂ ਵਿਚ ਵੰਡੀ ਜਾਏ। ਇਕ ਫੌਜ ਦੀ ਕਮਾਨ ਮਹਾਰਾਜ ਖੁਦ ਕਰਨ। ਉਹ ਫੌਜ ਸਿਰਫ਼ ਸ਼ਹਿ ਤੇ ਬੈਠੀ ਰਹੇ। ਉਸ ਫੌਜ ਨੂੰ ਅੱਗੇ ਵਧਣ ਦੀ ਕੋਈ ਲੋੜ ਨਹੀਂ ਤੇ ਦੂਜੀ ਦਾ ਸਰਦਾਰ ਹਰੀ ਸਿੰਘ ਨਲੂਆ ਕਮਾਂਡਰ ਹੋਵੇ। ਤੀਜੀ ਫੌਜ ਦੀ ਕਮਾਨ ਦਾ ਫੈਸਲਾ ਅਸੀਂ ਆਪ ਕਰ ਲੈਂਦੇ ਹਾਂ। ਅਟਕ ਤੇ ਸਿਰਫ ਇਕ ਫੌਜ ਹਮਲਾ ਕਰੇਗੀ। ਮਹਾਰਾਜ ਵਾਲੀ ਫੌਜ ਕਸ਼ਮੀਰ ਵੱਲ ਵਧੇ ਤੇ ਨਲੂਏ ਦੀ ਫੌਜ ਅਟਕ ਵੱਲ। ਏਸ ਤਰ੍ਹਾਂ ਸਾਡੀਆਂ ਫੌਜਾਂ ਅਟਕ ਤੇ ਕੱਠੀਆਂ ਹੋ ਜਾਣਗੀਆਂ। ਅਟਕ ਦੇਹ ਫੌਜਾਂ ਅੱਗੇ ਨਹੀਂ ਅਟਕ ਸਕਦਾ।"

ਇਹਦੇ ਨਾਲ ਇਕ ਦੂਜੇ ਦੀ ਮਦਦ ਲਈ ਕੋਈ ਨਹੀਂ ਪੁੱਜ ਸਕੇਗਾ। ਹਰ ਇਕ ਨੂੰ ਆਪਣੀ ਆਪਣੀ ਪਈ ਹੋਣੀ ਏ। ਸਾਡਾ ਪਾਸਾ ਸਿੱਧਾ ਪੈ ਜਾਏਗਾ। ਤਿੰਨਾਂ ਨੂੰ ਸੂਲੀ ਤੇ ਟੰਗ ਦਿਓ। ਤਿੰਨੇ ਆਪਣੇ ਆਪਣੇ ਘਰ ਦੀ ਰਾਖੀ ਕਰਨ। ਕੋਈ ਕਿਸੇ ਦੀ ਮਦਦ ਤੇ ਨਾ ਪੁੱਜੇ। ਜਿੱਤ ਜ਼ਰੂਰ ਸਾਡੀ ਹੋਵੇਗੀ। ਹਰੀ ਸਿੰਘ ਨਲੂਏ ਦੀ ਆਵਾਜ਼ ਵਿਚ ਜੋਸ਼ ਦੀ ਲੈਅ ਸੀ।

ਦੀਵਾਨ ਮੋਹਕਮ ਚੰਦ ਆਖਣ ਲੱਗਾ। ਸਰਹੱਦ ਚਾ ਬੂਹਾ ਅਟਕ ਏ। ਦਰਵਾਜ਼ਾ ਤੋੜ ਦਿਓ ਤੇ ਫੇਰ ਤੁਹਾਡੀ ਚਾਰੇ ਚੱਕ ਜਗੀਰ ਏ। ਤੁਹਾਡੀ ਕੋਈ ਵਾ ਵੱਲ ਵੇਖਣ ਵਾਲਾ ਨਹੀਂ।

ਅੱਛਾ ਹੁਣ ਫੈਸਲਾ ਇਹ ਨੱਕੀ ਹੋ ਗਿਆ ਕਿ ਪਹਿਲਾਂ ਅਟਕ ਵਲੋਂ ਹਮਲਾ ਕੀਤਾ ਜਾਏ ਤੇ ਉਹਦੇ ਲਾਗੇ ਦੇ ਸਾਰੇ ਗੜ੍ਹ ਤੋੜੇ ਜਾਣ। ਜਦ ਇਨ੍ਹਾਂ ਦੀ ਜੁੰਡੀ ਖਿੰਡੀ ਤੇ ਫੇਰ ਫਤਿਹ ਤੁਹਾਡੇ ਪੈਰ ਚੁੰਮੇਗੀ। ਮੈਨੂੰ ਅਟਾਰੀ ਦੀ ਗੱਲ ਪਸੰਦ ਆਈ ਏ।

ਹਰੀ ਸਿੰਘ ਨਲੂਆ ਅਟਾਰੀ ਵਾਲੇ ਦਾ ਸਾਥੀ ਰਹੇਗਾ। ਪਿੰਸ਼ੌਰ ਵੀ ਇਸੇ ਦਾਬੇ