"ਗੱਲਾਂ ਪੱਕੀਆਂ ਪੀਡੀਆਂ ਕਰਨ ਵਾਲਾ ਦਾਨਸ਼ਵਰਾਂ ਦੇ ਵਿੱਚ ਪਰਧਾਨ ਵਾਰਸ

ਨੁਕਤਾ ਸੰਜ ਵਾਰਸ ਨੁਕਤਾ ਨੁਕਤਾ ਵਾਰਸ ਨੁਕਤਾ ਫਹਿਮ ਵਾਰਸ ਨੁਕਤਾ ਦਾਨ ਵਾਰਸ

ਅਰਜਮੰਦ ਫਰਜ਼ੰਦ ਪੰਜਾਬ ਨੇ ਬੋਲੀ ਮਾਦਰੀ ਨੂੰ ਮਾਲਾ ਮਾਲ ਕੀਤਾ

ਕਿੱਸਾ ਹੀਰ ਦਾ ਕੱਢ ਕੇ ਕਲਮ ਵਿੱਚੋਂ ਕੱਢ ਹੀਰਿਆਂ ਦੀ ਗਿਆ ਕਾਨ ਵਾਰਸ"

(ਪੀਰ ਫਜ਼ਲ ਹੁਸੈਨ ਫਜ਼ਲ ਗੁਜਰਾਤ)

"ਵਾਰਸ ਸੁਖਨ ਦੇ ਤਾਜ ਦਾ ਮੀਆਂ ਵਾਰਸ, ਤਾਜਵਰਾਂ ਦਾ ਜੋ ਬਾਦਸ਼ਾਹ ਹੋਇਆ

ਦੀਵਾ ਜਗਦਾ ਜਗ ਦੀਆਂ ਮਜਲਸਾਂ ਦਾ ਕਾਰਨ ਦਰਦਮੰਦਾਂ ਦਰਦਖਾਹ ਹੋਇਆ

ਲਿਖੇ ਸ਼ਿਅਰ ਤੇ ਮੋਤੀ ਪਰੋ ਦਿੱਤੇ ਐਸਾ ਚਮਕਿਆ ਕਿ ਮਹਿਰੋ ਮਾਹ ਹੋਇਆ

ਹੋਰ ਵਾਰਸ ਤੇ ਰਹਿਮਤਾਂ ਮੀਆਂ ਕੁਸ਼ਤਾ ਹੀਰ ਲਿਖ ਕੇ ਜੋ ਵਾਰਸ ਸ਼ਾਹ ਹੋਇਆ।"

(ਮਾਲੌਬਖਸ਼ ਕੁਸ਼ਤਾ, ਅਮ੍ਰਤਸਰੀ)

"ਪੰਜਾਬੀ ਵਿੱਚ ਇਸ (ਹੀਰ ਵਾਰਸ ਸ਼ਾਹ) ਤੋਂ ਜਿਆਦਾ ਮਕਬੂਲ ਕਿਤਾਬ ਹੁਣ ਤੱਕ ਤਸਨੀਫ ਨਹੀਂ ਹੋਈ।"

(ਅਹਿਮਦ ਨਦੀਮ ਕਾਸਮੀ)