ਸਾਲੂ ਧੁਰ ਗੁਜਰਾਤ ਦਾ ,

ਕੋਈ ਮੈਂ ਭਉ ਪਹਿਲੀ ਰਾਤ ਦਾ,

ਕਿਤੇ ਢੰਗ ਬਿਹਾਇ ।4।

 

ਸਾਲੂ ਧੁਰ ਮੁਲਤਾਨ ਦਾ,

ਕੋਈ ਰੱਬ ਦਿਲਾਂ ਦੀਆਂ ਜਾਣਦਾ,

ਸੁਤੀ ਸਹੁ ਗਲ ਲਾਇ ।5।

 

ਸਾਲੂ ਮੇਰਾ ਆਲ ਦਾ,

ਕੋਈ ਮਹਿਰਮੁ ਨਾਹੀਂ ਹਾਲ ਦਾ,

ਕਿਸ ਪੈ ਆਖਾਂ ਜਾਇ ।6।

 

ਸਾਲੂ ਭੋਛਣ ਜੋੜਿਆ,

ਕੋਈ ਥੀਸੀ ਰੱਬ ਦਾ ਲੋੜਿਆ,

ਹੋਰ ਨ ਕੀਤਾ ਜਾਇ ।7।

 

ਸਭੇ ਸਾਲੂ ਵਾਲੀਆਂ,

ਕੋਈ ਇਕ ਬਿਰਖ ਦੀਆਂ ਡਾਲੀਆਂ,

ਤੇਰੇ ਤੁਲ ਨ ਕਾਇ ।8।

 

ਸਾਲੂ ਦਾ ਰੰਗ ਜਾਵਣਾ,

ਕੋਈ ਫੇਰ ਨਾ ਇਸ ਜੱਗ ਆਵਣਾ,

ਚਲੇ ਘੁੰਮ ਘੁੰਮਾਇ ।9।

 

ਸਾਲੂ ਮੇਰਾ ਉਣੀਦਾ,

ਕੋਈ ਸ਼ਾਮੁ ਬਿੰਦ੍ਰਾਬਨ ਸੁਣੀਦਾ,

ਜਾਣਾ ਬਿਖੜੇ ਰਾਹਿ ।10।

 

ਕਹੈ ਹੁਸੈਨ ਗਦਾਈਆ,

ਕੋਈ ਰਾਤ ਜੰਗਲ ਵਿਚ ਆਈਆ,

ਰੱਬ ਡਾਢਾ ਬੇਪਰਵਾਹਿ ।11।