ਹੇ ਮੇਰੇ ਮਨ ! ਵਾਹਿਗੁਰੂ ਦੇ ਗੁਰਬਾਣੀ ਰੂਪੀ ਅਕੱਥ ਗੁਣ ਜੋ ਹਨ, ਤਿਨ੍ਹਾਂ ਨੂੰ ਤੂੰ ਜਪਿਆ ਸੁਣਿਆ ਕਰਿ ਸਦ ਹੀ, ਜਿਨ੍ਹਾਂ ਦੇ ਜਪੇ ਸੁਣੇ ਤੇ ਚਾਰੇ ਪਦਾਰਥ- ਧਰਮ, ਅਰਥ, ਕਾਮ, ਮੋਖ-ਹਰਿ ਗੁਣ ਜਪਣ ਸੁਣਨਹਾਰੇ ਦੇ ਪਿਛੇ ਲਗੇ ਫਿਰਦੇ ਹਨ । ਗੁਰਬਾਣੀ ਰੂਪੀ ਵਾਹਿਗੁਰੂ ਦੇ ਅਕੱਥ ਗੁਣਾਂ ਨੂੰ ਰਟਣਾ ਸੁਣਨਾ ਹੀ ਸਰਬ- ਫਲ-ਪਰਦਾਇਕ ਹੈ । ਕੂੜਾਵੀ ਮਨ-ਘੜਤ ਕਥਾ ਵਾਲੀਆਂ ਕਥਾਵਾਂ ਪਾਈਆਂ ਨਿਸਫਲ ਹਨ । ਸਰਬੱਗ ਅਕੱਥ ਗੁਣਾਂ ਨੂੰ ਕੋਈ ਅਲਪੱਗ ਬੁਧੀ ਵਾਲਾ ਕਥੋਕੜ ਜਨ ਭਲਾ ਕੀ ਕਥੇਗਾ ? ਕਥ ਕਥ ਕੇ ਐਵੇਂ ਵਿਗੁਚੇਗਾ। ਸਾਵੇਂ (ਇੰਨ ਬਿੰਨ) ਲਿਖੋ ਗੁਰਬਾਣੀ ਰੂਪੀ ਗੁਣਾਂ, ਅਕੱਥ ਗੁਣਾਂ ਦਾ ਸੁਣਨਾ ਮੰਨਣਾ, ਨਿਧਿਆਸਣ ਰੂਪੀ ਜਾਪ ਸੁਣਥਾਪਨ ਕਰਨਾ ਹੀ ਸਰਬ ਫਲ ਪਰਦਾਤਾ ਹੈ । ਮਨਘੜਤ ਕਥਾਂ ਪਾਉਣੀਆਂ ਇਸ ਅਕੱਥ ਗੁਣਾਂ ਰੂਪ ਬਾਣੀ ਦੀਆਂ ਸਭ ਬਿਰਥੀਆਂ ਹਨ। ਵਾਹਿਗੁਰੂ ਨਾਮੁ ਬਾਣੀ ਨੂੰ ਜਪਣ ਸੁਣਨ ਕਰਕੇ ਸੁਤੇ ਸਿਧ ਹੀ ਚਾਰੇ ਪਦਾਰਥ ਪ੍ਰਾਪਤ ਹੋ ਜਾਂਦੇ ਹਨ- (੧) ਧਰਮ = ਮਰਯਾਦਾ ਰੂਪੀ ਧਾਰਨ ਯੋਗ ਨਿਯਮ ਇਸ ਜੀਵਨ ਦੇ, (੨) ਅਰਥ = ਸੰਸਾਰਕ ਸੁਆਰਥਾਂ ਦੀ ਪੂਰਨਤਾ, (੩) ਕਾਮੁ = ਹਰੇਕ ਕੰਮ ਵਿਚ ਕਾਮਯਾਬੀ, (੪ ਮੋਖੁ = ਪ੍ਰਮਾਰਥੀ ਮੁਕਤਿ ਪਦ ।

ਬੈਸਿ ਸੁ ਥਾਨਿ ਕਹਾਂ ਗੁਣ ਤੇਰੇ ਕਿਆ ਕਿਆ ਕਥਉ ਅਪਾਰਾ ॥

ਅਲਖੁ ਨ ਲਖੀਐ ਅਗਮੁ ਅਜੋਨੀ ਤੂੰ ਨਾਥਾਂ ਨਾਥਣਹਾਰਾ ॥੪॥੩॥

ਮਲਾਰ ਮਹਲਾ ੧, ਪੰਨਾ ੧੨੫੫

ਸੱਚੇ ਸੋਹਣੇ ਸੋਭਨੀਕ ਅਸਥਾਨ ਸਤਿਸੰਗ ਸਮਾਗਮ ਵਿਖੇ ਸੁਸ਼ੋਭਤ ਹੋ ਕੇ ਗੁਰਮੁਖਿ ਗੁਣ ਰਾਵਣਹਾਰਿਆਂ ਨਾਮ ਦੇ ਰਸੀਆਂ ਦੀ ਸੰਗਤਿ ਵਿਚਿ ਬੈਠ ਕੇ ਬਸ ਤੇਰੇ ਗੁਣ ਗਾਈ ਹੀ ਜਾਵਾਂ, ਹੇ ਵਾਹਿਗੁਰੂ ! ਗੁਰਬਾਣੀ ਰੂਪੀ ਗੁਣ ਤੇਰੇ ਉਚਾਰਨ ਕਰੀ ਹੀ ਜਾਵਾਂ। ਹੋਰ ਏਸ ਅਪਾਰ ਗੁਣਾਂ ਵਾਲੇ ਅਪਰੰਪਰ ਵਾਹਿਗੁਰੂ ਦੀ ਮਨੋਰੰਚਕ ਕਥਾ ਕੀ ਕਥੀ ਜਾ ਸਕਦੀ ਹੈ ? ਹਉਮੈ ਵਿਚਿ ਗ੍ਰਸਿਆ ਅਲਪਗ ਮਨਮੁਖ ਮਨਮਤੀਆ ਕਥੋਗੜ ਜਨ ਅਗੋਦਰ ਵਾਹਿਗੁਰੂ ਦੇ ਅਕੱਥ ਗੁਣਾਂ ਦੀ ਕੀ ਕਥਾ ਕਰ ਸਕਦਾ ਹੈ ? ਤੂੰ ਅਕੱਥ ਹੈਂ । ਅਲਪੱਗ ਬੁੱਧੀ ਵਾਲਿਆਂ ਅਗਿਆਨੀਆਂ ਕੋਲੋਂ ਤੂੰ ਲਖਿਆ ਹੀ ਨਹੀਂ ਜਾ ਸਕਦਾ । ਤੇਰੇ ਅਕੱਥ ਗੁਣਾ ਨੂੰ ਓਹ ਕੀ ਕੱਥ ਸਕਦੇ ਹਨ ? ਤੂੰ ਅਗੰਮ ਹੈਂ, ਤੇਰੀ ਗੰਮਤਾ ਨੂੰ ਕੁੱਝ ਸੋਚਾਂ ਵੀਚਾਰਾਂ ਫ਼ਿਲਾਸਫ਼ੀਆਂ ਦੁਆਰਾ ਭੀ ਨਹੀਂ ਗਾਂਖਿਆ ਜਾ ਸਕਦਾ । ਜੋ ਤੈਨੂੰ ਰੱਖਣ ਦੀਆਂ ਡੀਂਗਾਂ ਮਾਰਦੇ ਹਨ, ਓਹ ਸਭ ਫੋਕੀਆਂ ਹੀ ਡੀਂਗਾਂ ਹਨ । ਤੂੰ ਅਜੋਨੀ ਹੈਂ, ਜੋਨੀਆਂ ਵਿਚਿ ਨਹੀਂ ਆਉਂਦਾ । ਅਪਰੰਪਰ ਹੈਂ, ਇਹ ਲਖ ਚੁਰਾਸੀ ਜੂਨੀਆਂ ਵਿਚ ਭਉਣ (ਘੁੰਮਣ) ਵਾਲੇ ਅਲਪਗ ਜੰਤ ਤੈਨੂੰ ਅਨਮਾਨ ਵਿਚਿ ਭੀ ਨਹੀਂ ਲਿਆ ਸਕਦੇ । ਤੇਰੀ ਕਥਾ ਓਹ ਕੀ ਕਰਨਗੇ ? ਤੂੰ ਬੜੇ