੧੬. ਆਪੇ ਨਾਲ ਗੱਲਾਂ ਕਰਦੀ ਜਵਾਨ ਨੱਢੀ ਪੰਜਾਬ ਦੀ

 

ਨਿੱਕਾ ਜਿਹਾ ਫੁੱਲ ਗੁਲਾਬ ਦਾ

ਇਹ ਕੀ ਵੇਖ ਖਿੜਿਆ ?

ਇਹਦੇ ਨੈਣ ਨਸ਼ੀਲੇ ਕਿਸ ਪਿਆਰ ਵਿੱਚ ?

ਇਹਨੂੰ ਪਤਾ ਹੈ

ਹਾਏ ਮੈਂ ਕਿੰਨੀ ਅਯਾਣ ਹਾਂ ;

ਚੰਨ ਚੜ੍ਹਿਆ

ਇਹ ਕੀ ਸਵਾਦ ਹੈ

ਆਪਣਾ ਹੀ ਮੂੰਹ ਤੱਕਣਾ ਉਠ ਅੱਧੀ ਰਾਤ ਨੂੰ

ਨੈਣਾਂ ਤਾਰੇ ਹੁੰਦੀਆਂ

ਜਦ ਚੰਨ ਉਹਲੇ ਹੁੰਦਾ ਅਕਾਸ਼ ਥੀਂ

ਕਿਸ ਨੂੰ ਤਾਰੇ ਵੇਖਦੇ ?

ਤਾਰਿਆਂ ਨੂੰ ਪਤਾ ਹੈ ;

ਹਾਏ ਮੈਂ ਕਿੰਨੀ ਅਯਾਣ ਹਾਂ-

ਕਿਸ ਲਈ ਪਾਣੀਆਂ ਵਿੱਚੋਂ

ਬਾਹਰ ਆਉਂਦੀਆਂ ਇਹ ਕੰਵਲ ਕਲੀਆਂ

ਕੀ ਉਹ ਕਿਰਨਾਂ ਚਿੱਟੀਆਂ ਵਿੱਚ ਛੁਪਿਆ ਕੋਈ ਰਾਗ

ਇਨ੍ਹਾਂ ਨੂੰ ਪਤਾ ਹੈ,

ਹਾਏ ਮੈਂ ਕਿੰਨੀ ਅਯਾਣ ਹਾਂ,