ਜੇਕਰ ਕਾਰ ਦਾ ਇੱਕ ਪਹੀਆ ਟੁੱਟ ਕੇ ਬਾਹਰ ਨਿਕਲ ਜਾਵੇ ਤਾਂ ਕਾਰ ਰੁੱਕ ਜਾਂਦੀ ਹੈ ਚਲਦੀ ਨਹੀਂ। ਇੱਦਾਂ ਹੀ ਕੁਦਰਤੀ ਖੇਤੀ ਕਰਨ ਲਈ ਉੱਪਰ ਦਿੱਤੀਆਂ ਚਾਰੇ ਗੱਲਾਂ ਕਰਨੀਆਂ ਜ਼ਰੂਰੀ ਹਨ। ਬੀਜ-ਅੰਮ੍ਰਿਤ ਕਿਵੇਂ ਬਣਾਈਏ ? ਬਿਜਾਈ ਕਰਨ ਤੋਂ ਪਹਿਲਾਂ ਬੀਜਾਂ ਨੂੰ ਟਰੀਟ ਕਰਨਾ ਜਾਂ ਸੋਧਣਾ ਜ਼ਰੂਰੀ ਹੈ। ਇਸ ਮਕਸਦ ਲਈ ਬੀਜ-ਅੰਮ੍ਰਿਤ ਬਹੁਤ ਹੀ ਉੱਤਮ ਹੈ। ਜੀਵ-ਅੰਮ੍ਰਿਤ ਵਾਂਗ ਬੀਜ ਅੰਮ੍ਰਿਤ ਵਿੱਚ ਵੀ ਮੈਂ ਉਹੀ ਚੀਜ਼ਾਂ ਪਾਈਆਂ ਹਨ ਜੋ ਸਾਡੇ ਕੋਲ ਬਿਨਾਂ ਕਿਸੇ ਕੀਮਤ ਤੋਂ ਮੌਜੂਦ ਹਨ। ਇਹ ਹੇਠ ਲਿਖੀਆਂ ਚੀਜ਼ਾਂ ਤੋਂ ਬਣਦਾ ਹੈ :- 1. ਦੇਸੀ ਗਾਂ ਦਾ ਗੋਬਰ-5 ਕਿਲੋ (ਜੇਕਰ ਗਾਂ ਦਾ ਗੋਬਰ ਨਾ ਮਿਲੇ ਤਾਂ ਦੇਸੀ ਬੈਲ ਜਾਂ ਮੱਝ ਦਾ ਗੋਬਰ ਵੀ ਚੱਲੇਗਾ।)

2. ਗਊ-ਮੂਤਰ -5 ਲੀਟਰ (ਮਾਨਵੀ ਮੂਤਰ ਵੀ ਚੱਲੇਗਾ)

3. ਚੂਨਾ ਜਾਂ ਕਲੀ -250 ਗਰਾਮ

4. ਪਾਣੀ -20 ਲੀਟਰ

ਇਨ੍ਹਾਂ ਚੀਜ਼ਾਂ ਨੂੰ ਪਾਣੀ ਵਿੱਚ ਘੋਲ੍ਹ ਕੇ ਚੌਵੀ ਘੰਟੇ ਰੱਖੋ। ਦਿਨ ਵਿੱਚ ਦੋ ਬਾਰ ਲੱਕੜੀ ਨਾਲ ਹਿਲਾਉਣਾ ਹੈ। ਉਸ ਤੋਂ ਬਾਅਦ ਬੀਜਾਂ ਉੱਪਰ ਬੀਜ-ਅੰਮ੍ਰਿਤ ਪਾ ਕੇ ਉਨ੍ਹਾਂ ਨੂੰ ਸੋਧਣਾ ਹੈ। ਉਸ ਉਪਰੰਤ ਛਾਂ ਵਿੱਚ ਸੁੱਕਾ ਲੈਣੇ ਹਨ ਅਤੇ ਫਿਰ ਬੀਜ ਦੇਣੇ ਹਨ।

ਬੀਜ-ਅੰਮ੍ਰਿਤ ਨਾਲ ਸੋਧੇ ਹੋਏ ਬੀਜ ਜਲਦੀ ਅਤੇ ਜ਼ਿਆਦਾ ਮਾਤਰਾ ਵਿੱਚ ਉੱਗਦੇ ਹਨ। ਜੜ੍ਹਾਂ ਤੇਜ਼ੀ ਨਾਲ ਵਧਦੀਆਂ ਹਨ। ਭੂਮੀ ਵਿੱਚ ਲੱਗਣ ਵਾਲੀਆਂ ਬਿਮਾਰੀਆਂ ਨਹੀਂ ਲੱਗਦੀਆਂ ਅਤੇ ਪੌਦੇ ਅੱਛੀ ਤਰ੍ਹਾਂ ਵੱਧਦੇ ਫੁੱਲਦੇ ਹਨ। ਕੇਲੇ ਦੇ ਕੰਦ ਅਤੇ ਗੰਨੇ ਦੀਆਂ ਗੱਠਾਂ ਲਾਉਣ ਤੋਂ ਪਹਿਲਾਂ ਉਨ੍ਹਾਂ ਨੂੰ ਬੀਜ-ਅੰਮ੍ਰਿਤ ਵਿੱਚ ਡੁਬੋ ਕੇ ਤੁਰੰਤ ਲਗਾ ਦੇਣੇ ਹਨ। ਜੇਕਰ ਜੀਰੀ, ਪਿਆਜ, ਟਮਾਟਰ, ਬੈਂਗਣ ਜਾਂ ਕਿਸੇ ਵੀ ਪੌਦੇ ਦੀ ਪਨੀਰੀ ਲਗਾਉਣੀ ਹੈ ਤਾਂ ਉਨ੍ਹਾਂ ਦੀਆਂ ਜੜ੍ਹਾਂ ਬੀਜ- ਅੰਮ੍ਰਿਤ ਵਿੱਚ ਡੋਬ ਕੇ ਲਗਾ ਦਿਓ।

ਜਦੋਂ ਅਸੀਂ ਧਰਤੀ ਵਿੱਚ ਜੀਵ-ਅੰਮ੍ਰਿਤ ਪਾਉਂਦੇ ਹਾਂ ਤਾਂ ਇਕ

ਗਰਾਮ ਜੀਵ-ਅੰਮ੍ਰਿਤ ਵਿੱਚ 500 ਕਰੋੜ (ਅਣਗਿਣਤ) ਸੂਖ਼ਮ ਜੀਵਾਣੂ ਪਾਉਂਦੇ ਹਾਂ। ਉਹ ਸਾਰੇ ਪੌਦਿਆਂ ਲਈ ਖ਼ੁਰਾਕ ਪਕਾਉਣ ਵਾਲੇ ਹੁੰਦੇ ਹਨ। ਭੂਮੀ ਤਾਂ ਪੂਰਨ ਪਾਲਣਹਾਰ ਹੈ ਹੀ। ਪਰੰਤੂ ਭੂਮੀ ਵਿੱਚ ਜੋ ਖ਼ੁਰਾਕ ਹੈ ਉਹ ਪੱਕੀ ਹੋਈ ਨਹੀਂ ਹੈ। ਪਕਾਉਣ ਦਾ ਕੰਮ ਇਹ ਜੀਵਾਣੂ ਕਰਦੇ ਹਨ। ਜੀਵ-ਅੰਮ੍ਰਿਤ ਪਾਉਂਦੇ ਹੀ ਹਰ ਪ੍ਰਕਾਰ ਦੇ ਖ਼ੁਰਾਕੀ ਤੱਤ (ਨਾਈਟਰੋਜਨ, ਫਾਸਫੇਟ, ਪੋਟਾਸ਼, ਲੋਹਾ, ਗੰਧਕ, ਤਾਂਬਾ, ਜਿਸਤ ਆਦਿ) ਪੱਕ ਕੇ ਜੜ੍ਹਾਂ ਨੂੰ ਉਪਲੱਭਧ ਹੋ ਜਾਂਦੇ ਹਨ। ਭੂਮੀ ਵਿੱਚ ਜੀਵ-ਅੰਮ੍ਰਿਤ ਪਾਉਂਦੇ ਹੀ ਇਕ ਹੋਰ ਚਮਤਕਾਰ ਹੁੰਦਾ ਹੈ। ਭੂਮੀ ਵਿੱਚ ਅਣਗਿਣਤ ਗੰਡੋਏ ਆਪਣੇ ਆਪ ਕੰਮ ਕਰਨ ਲੱਗਦੇ ਹਨ। ਇਹ ਗੰਡੋਏ ਭੂਮੀ ਵਿੱਚ ਪੰਦਰਾਂ ਫੁੱਟ ਤਕ ਦੇ ਖ਼ੁਰਾਕੀ ਤੱਤ ਮਿੱਟੀ ਅਤੇ ਮਲ ਦੇ ਮਾਧਿਅਮ ਰਾਹੀਂ ਭੂਮੀ ਦੀ ਸਤਹ 'ਤੇ ਲੈ ਆਉਂਦੇ ਹਨ। ਇਨ੍ਹਾਂ ਤੱਤਾਂ ਨੂੰ ਫਸਲਾਂ ਦੀਆਂ ਜੜ੍ਹਾਂ ਆਪਣੀ ਲੋੜ ਅਨੁਸਾਰ ਵਰਤ ਲੈਂਦੀਆਂ ਹਨ। ਸੰਘਣੇ ਜੰਗਲਾਂ ਵਿੱਚ ਅਣਗਿਣਤ ਫਲ ਦੇਣ ਵਾਲੇ ਪੇੜ ਕਿਵੇਂ ਜਿਊਂਦੇ ਹਨ? ਉਹ ਖ਼ੁਰਾਕੀ ਤੱਤ ਕਿਥੋਂ ਲੈਂਦੇ ਹਨ ? ਉਨ੍ਹਾਂ ਨੂੰ ਗੰਡੋਏ ਅਤੇ ਹੋਰ ਜੀਵ- ਜੰਤੂ ਹੀ ਖੁਆਉਂਦੇ-ਪਿਆਉਂਦੇ ਹਨ।

ਇਹ ਅਣਗਿਣਤ ਜੀਵ-ਜੰਤੂ ਅਤੇ ਗੰਡੋਏ ਤਾਂ ਹੀ ਕੰਮ ਕਰਦੇ ਹਨ ਜਦੋਂ ਉਨ੍ਹਾਂ ਨੂੰ ਭੂਮੀ ਦੀ ਉਪਰਲੀ ਸਤਾ ਵਿੱਚ 25 ਤੋਂ 32 ਡਿਗਰੀ ਸੈਲਸੀਅਸ ਤਾਪਮਾਨ ਅਤੇ 65 ਤੋਂ 72 ਪ੍ਰਤੀਸ਼ਤ ਨਮੀ ਅਤੇ ਭੂਮੀ ਦੇ ਅੰਦਰ ਹਨੇਰਾ ਅਤੇ ਸ਼ਾਂਤ ਵਾਤਾਵਰਣ ਮਿਲੇ। ਜਦੋਂ ਅਸੀਂ ਭੂਮੀ ਉਪਰ ਅਸਾਧਣ/ਢੱਕਣਾ ਪਾ ਕੇ ਭੂਮੀ ਨੂੰ ਢੱਕ ਦਿੰਦੇ ਹਾਂ ਤਾਂ ਇਹ ਲੋੜੀਂਦਾ ਵਾਤਾਵਰਣ ਤਿਆਰ ਹੋ ਜਾਂਦਾ ਹੈ।

ਅਛਾਧਣ ਜਾਂ ਢੱਕਣ ਦੇ ਤਿੰਨ ਤਰੀਕੇ ਹੋ ਸਕਦੇ ਹਨ

1.       ਮਿੱਟੀ ਨਾਲ ਢੱਕਣਾ - Soil Mulching  

2.       ਸੁੱਕੇ ਪੱਤਿਆਂ, ਪਰਾਲੀ ਆਦਿ ਨਾਲ ਢੱਕਣਾ - Straw Mulching

3.       ਜੀਵਤ ਫ਼ਸਲਾਂ ਆਦਿ ਨਾਲ ਢੱਕਣਾ - Live mulching

ਜਦ ਅਸੀਂ ਹਲ ਨਾਲ ਜਾਂ ਹੈਰੋ ਨਾਲ ਭੂਮੀ ਦੀ ਕਾਸ਼ਤ ਕਰਦੇ ਹਾਂ ਤਾਂ ਭੂਮੀ ਉੱਪਰ ਮਿੱਟੀ ਦਾ ਢੱਕਣਾ ਪਾ ਦਿੰਦੇ ਹਾਂ। ਇਸ ਨਾਲ ਭੂਮੀ ਦੇ ਅੰਦਰ ਦੀ ਨਮੀ ਅਤੇ ਤਾਮਮਾਨ ਠੀਕ ਪੱਧਰ 'ਤੇ ਬਣਿਆ