ਤੋਂ ਜੀਵ-ਅੰਮ੍ਰਿਤ ਪਾ ਦਿਓ। ਵਿਚਾਲੇ ਲੋਬੀਆ, ਮਿਰਚੀ, ਪਿਆਜ਼, ਝੰਡੂ ਅਤੇ ਮੌਸਮੀ ਸਬਜ਼ੀਆਂ ਦੀ ਅੰਤਰ-ਫ਼ਸਲ ਲਗਾਓ। ਕੇਲੇ ਦੇ ਪੌਦਿਆਂ ਵਿੱਚਾਲੇ ਡਰਮਸਟਿਕ ਲਗਾਓ। ਹਰ ਪੰਦਰਾਂ ਦਿਨਾਂ ਬਾਅਦ ਸਿੰਜਾਈ ਦੇ ਪਾਣੀ ਨਾਲ ਜੀਵ-ਅੰਮ੍ਰਿਤ ਦਿਓ। ਕੇਲੇ ਦਾ ਗੁੱਛਾ ਕੱਟਣ ਤੋਂ ਪਹਿਲਾਂ ਪੌਦੇ ਦਾ ਕੋਈ ਵੀ ਹਰਾ ਜਾਂ ਸੁੱਕਾ ਪੱਤਾ ਨਹੀਂ ਕੱਟਣਾ। ਇਹ ਪੱਤਾ ਪੌਦੇ ਦਾ ਰਿਜ਼ਰਵ ਬੈਂਕ ਹੁੰਦਾ ਹੈ। ਬੀਜ ਲਗਾਉਣ ਤੋਂ ਬਾਅਦ ਤਿੰਨ ਮਹੀਨੇ ਤਕ ਹਰ ਨਾਲੀ ਵਿੱਚ ਪਾਣੀ ਦੇਣਾ ਹੈ। ਤਿੰਨ ਮਹੀਨੇ ਬਾਅਦ ਪਾਣੀ ਦੇਣਾ ਬੰਦ ਕਰ ਦੇਣਾ ਹੈ। ਬਾਕੀ ਤਿੰਨ ਨਾਲੀਆਂ ਨੂੰ ਪਾਣੀ ਦਿੰਦੇ ਰਹਿਣਾ ਹੈ। ਬੀਜ ਲਗਾਉਣ ਤੋਂ ਛੇ ਮਹੀਨੇ ਬਾਅਦ ਕੇਵਲ ਕੇਲੇ ਦੇ ਪੌਦਿਆਂ ਵਾਲੀਆਂ ਦੋ ਲਾਈਨਾਂ ਦੇ ਵਿਚਾਲੇ ਪਾਣੀ ਦਿਓ, ਬਾਕੀ ਨਾਲੀਆਂ ਨੂੰ ਪਾਣੀ ਦੇਣਾ ਬੰਦ ਕਰ ਦਿਓ। ਹਰੇਕ ਪਾਣੀ ਨਾਲ ਜੀਵ-ਅੰਮ੍ਰਿਤ ਦੇਣਾ ਹੈ। ਫੁੱਲ ਬਾਹਰ ਆਉਣ ਤਕ ਪੌਦਿਆਂ ਦੀਆਂ ਜੜ੍ਹਾਂ ਦੇ ਜੋ ਆਕੁਰ ਬਾਹਰ ਆਉਂਦੇ ਹਨ, ਉਨ੍ਹਾਂ ਸਾਰਿਆਂ ਨੂੰ ਕੱਟ ਕੇ ਉਥੇ ਹੀ ਢੱਕਣਾ ਬਣਾਉਣ ਲਈ ਵਰਤਣਾ ਹੈ। ਜਿਸ ਦਿਨ ਫੁੱਲ ਬਾਹਰ ਆਏਗਾ, ਉਹ ਜਿਸ ਦਿਸ਼ਾ ਵੱਲ ਆਵੇ ਉਸ ਤੋਂ ਉਲਟ ਦਿਸ਼ਾ ਦਾ ਇਕ ਅਕੁੰਰ ਸ਼ਾਖਾ ਛੱਡ ਕੇ ਬਾਕੀਆਂ ਸਾਰੀਆਂ ਕੱਟ ਦਿਓ ਅਤੇ ਉਨ੍ਹਾਂ ਦਾ ਢੱਕਣਾ ਜਾਂ ਅਛਾਦਨ ਬਣਾ ਲਓ। ਕੇਲੇ ਦਾ ਗੁੱਛਾ ਕੱਟਣ ਤੋਂ ਬਾਅਦ ਤਣੇ ਨੂੰ ਕੱਟਣਾ ਨਹੀਂ। ਉਸ ਨੂੰ ਉਦਾਂ ਹੀ ਖੜਾ ਰਹਿਣ ਦਿਓ। ਜਿਵੇਂ ਜਿਵੇਂ ਇਹ ਰੱਖਿਆ ਹੋਇਆ ਸਟੂਨ ਵਧੇਗਾ, ਇਹ ਤਣਾ ਆਪਣੇ ਆਪ ਹੇਠਾਂ-ਹੇਠਾਂ ਆਵੇਗਾ ਅਤੇ ਅਖ਼ੀਰ ਵਿੱਚ ਗੁੱਛੇ ਵਿੱਚ ਹੀ ਸਮਾਅ ਜਾਵੇਗਾ। ਗੁੱਛਾ ਕੱਟਣ ਤੋਂ ਬਾਅਦ ਪੱਤੇ ਕੱਟ ਕੇ ਉਸ ਦਾ ਢੱਕਣਾ ਬਣਾ ਲਓ।