ਪੰਜਾਬ ਵਿੱਚ ਕੁਦਰਤੀ ਖੇਤੀ ਦੇ ਕੁਝ ਆਦਰਸ਼
ਕੁਦਰਤੀ ਖੇਤੀ ਦੇ ਮਹਾ-ਵਿਦਵਾਨ ਸ੍ਰੀ ਸੁਭਾਸ਼ ਪਾਲੇਕਰ ਪੰਜਾਬ ਦੇ ਕੁਦਰਤ ਪ੍ਰੇਮੀ ਸੁਝਵਾਨ ਅਤੇ ਸਰਬੱਤ ਦਾ ਭਲਾ ਚਾਹੁਣ ਵਾਲੇ ਕੁਝ ਕਿਸਾਨਾਂ ਨੇ ਥੋੜ੍ਹੇ ਹੀ ਸਮੇਂ ਵਿਚ ਪੰਜਾਬ ਦੇ ਵੱਖ-ਵੱਖ ਥਾਵਾਂ ਤੇ ਸਫ਼ਲ ਮਾਡਲ ਖੜੇ ਕਰ ਦਿੱਤੇ ਹਨ। ਇਹ ਕਿਸਾਨ ਸਭ ਤਰ੍ਹਾਂ ਦੀਆਂ ਸਬਜ਼ੀਆਂ, ਅਨਾਜ ਅਤੇ ਫ਼ਸਲਾਂ ਕੁਦਰਤੀ ਖੇਤੀ ਦੀ ਤਕਨੀਕਾਂ ਨਾਲ ਬਿਨਾਂ ਜ਼ਹਿਰਾਂ ਤੋਂ ਉੱਗਾ ਰਹੇ ਹਨ। ਪੰਜਾਬ ਦੇ ਹੋਰ ਕਿਸਾਨ ਵੀਰ ਵੀ ਇਨ੍ਹਾਂ ਕਿਸਾਨਾਂ ਦੇ ਤਜਰਬਿਆਂ ਦਾ ਫਾਇਦਾ ਉੱਠਾ ਸਕਣ ਇਸ ਲਈ ਕੁਝ ਕਿਸਾਨਾਂ ਦਾ ਵੇਰਵਾ ਇਥੇ ਦਿੱਤਾ ਜਾ ਰਿਹਾ ਹੈ।
ਭਗਤ ਪੂਰਨ ਸਿੰਘ ਕੁਦਰਤੀ ਖੇਤੀ ਕੇਂਦਰ, ਪਿੰਡ ਧੀਰਾਕੋਟ, ਅੰਮ੍ਰਿਤਸਰ।
ਆਲ ਇੰਡੀਆ ਪਿੰਗਲਵਾੜਾ ਚੈਰੀਟੇਬਲ ਸੋਸਾਇਟੀ ਜਿਸ ਤਰ੍ਹਾਂ ਪਹਿਲਾਂ ਹੀ ਮਨੁੱਖਤਾ ਦੀ ਸੇਵਾ ਵਿੱਚ ਲੱਗੀ ਹੋਈ ਹੈ ਉਸੇ ਤਰ੍ਹਾਂ ਹੁਣ ਵੀ ਉਹ ਖੇਤੀ ਵਿਰਾਸਤ ਮਿਸ਼ਨ ਦੇ ਸਹਿਯੋਗ ਨਾਲ ਪੰਜਾਬ ਨੂੰ ਜ਼ਹਿਰ ਰਹਿਤ ਅਤੇ ਕਰਜ਼ਾ ਰਹਿਤ ਕਰਨ ਲਈ ਇਕ ਚੰਗੇ ਉੱਦਮ ਵੱਜੋਂ ਜ਼ੀਰੋ ਬੱਜਟ-ਕੁਦਰਤੀ ਖੇਤੀ ਕਰਨ ਵੱਲ ਪੰਜਾਬ ਦੇ ਕਿਸਾਨਾਂ ਨੂੰ ਪ੍ਰੇਰਿਤ ਕਰਨ ਲਈ ਸੋਸਾਇਟੀ ਆਪਣਾ ਸਾਰਾ ਫ਼ਾਰਮ ਇਸ ਖੇਤੀ ਵਾਲਾ ਬਣਾ ਦਿੱਤਾ ਹੈ। ਸ੍ਰ: ਰਾਜਬੀਰ ਸਿੰਘ ਜੀ ਬਹੁਤ ਹੀ ਉਚੇਚੇ ਤੌਰ 'ਤੇ ਇਸ ਖੇਤੀ ਵੱਲ ਧਿਆਨ ਦੇ ਰਹੇ ਹਨ। ਸਮੁੱਚੇ ਪਿੰਗਲਵਾੜਾ ਪਰਿਵਾਰ ਨੂੰ ਇਹ ਦੱਸਣ ਲੱਗਿਆਂ ਬੇਹੱਦ ਖ਼ੁਸ਼ੀ ਹੋ ਰਹੀ ਹੈ ਕਿ ਜ਼ੀਰੋ
