ਬੱਜਟ-ਕੁਦਰਤੀ ਖੇਤੀ ਦੇ ਮਹਾ-ਵਿਦਵਾਨ ਸ੍ਰੀ ਸੁਭਾਸ ਪਾਲੇਕਰ ਜੀ ਆਪਣੀਆਂ ਪਹਿਲੀਆਂ ਦੋ ਵਰਕਸ਼ਾਪਾਂ ਪਿੰਗਲਵਾੜਾ ਆਸ਼ਰਮ ਵਿੱਚ ਲਾ ਚੁੱਕੇ ਹਨ ਅਤੇ ਪਿੰਗਲਵਾੜਾ ਫ਼ਾਰਮ ਨੂੰ ਪੰਜਾਬ ਦੀ ਕੁਦਰਤੀ ਖੇਤੀ ਖੋਜ ਕੇਂਦਰ ਬਣਾ ਦੇਣ ਦਾ ਐਲਾਨ ਕਰ ਚੁੱਕੇ ਹਨ।

ਬੀਤੇ ਇਕ ਸਾਲ 'ਚ ਸ੍ਰ. ਰਾਜਬੀਰ ਸਿੰਘ ਦੀ ਅਣਥੱਕ ਮਿਹਨਤ ਸਦਕੇ 36 ਏਕੜ 'ਚ ਫੈਲੇ ਇਸ ਕੇਂਦਰ ਵਿਚ ਕੁਦਰਤੀ ਖੇਤੀ ਦੇ ਢੰਗ ਨਾਲ ਨਾ ਸਿਰਫ਼ ਬਾਸਮਤੀ ਬਹੁਤ ਹੀ ਕਾਮਯਾਬੀ ਨਾਲ ਉਗਾਈ ਗਈ ਬਲਕਿ ਝੋਨਾ, ਕਣਕ, ਚਾਰਾ, ਮੱਕੀ, ਗੋਭੀ, ਬੈਂਗਨ, ਸਰਸੋਂ, ਪਿਆਜ਼, ਪਾਲਕ, ਘੀਆ, ਮਟਰ, ਮੂਲੀ, ਗਾਜਰ, ਗੰਨਾ, ਹਲਦੀ, ਮੂੰਗੀ, ਮਾਂਹ, ਮੇਥਰੇ, ਧਨੀਆਂ, ਸ਼ਿਮਲਾ ਮਿਰਚ, ਆਰੀਨਡ, ਆਲੂ, ਸ਼ਲਗਮ ਆਦਿ ਅਨੇਕਾਂ ਫ਼ਸਲਾਂ ਸਫ਼ਲਤਾ ਪੂਰਵਕ ਉਗਾਈਆਂ ਗਈਆਂ। ਇਨ੍ਹਾਂ ਫ਼ਸਲਾਂ ਦਾ ਝਾੜ, ਸਵਾਦ, ਰੰਗ, ਰੂਪ, ਮਹਿਕ ਆਦਿ ਨੇ ਇਨ੍ਹਾਂ ਨੂੰ ਦੇਖਣ ਵਾਲੇ ਅਤੇ ਖਾਣ ਵਾਲਿਆਂ ਦਾ ਮਨ ਮੋਹ ਲਿਆ ਹੈ। ਧੀਰਾਕੋਟ ਫ਼ਾਰਮ ਵਿਖੇ ਜ਼ਹਿਰ ਮੁਕਤ ਖੇਤੀ ਦਾ ਕਾਮਯਾਬ ਮਾਡਲ ਸਥਾਪਿਤ ਕਰਨਾ ਭਗਤ ਪੂਰਨ ਸਿੰਘ ਨੂੰ ਸੱਚੀ ਸਰਧਾਂਜਲੀ ਵੀ ਹੈ। ਅੱਜ ਧੀਰੇ ਕੋਟ ਵਿਖੇ ਸੈਂਕੜੇ ਕਿਸਾਨ ਆਉਂਦੇ ਹਨ।

ਆਉਣ ਵਾਲੇ ਸਮੇਂ ਵਿਚ ਭਗਤ ਪੂਰਨ ਸਿੰਘ ਕੁਦਰਤੀ ਖੇਤਰ ਕਿਸਾਨਾਂ ਨੂੰ ਕੁਦਰਤੀ ਖੇਤੀ ਦੀ ਸਿਖਲਾਈ ਦਾ ਕੰਮ ਵੱਡੇ ਪੱਧਰ ਤੇ ਹੱਥ ਵਿਚ ਲਏਗਾ।

ਸੰਪਰਕ : ਸ੍ਰ. ਰਾਜਬੀਰ ਸਿੰਘ ਪਿੰਗਲਵਾੜਾ ਅੰਮ੍ਰਿਤਸਰ।

ਫੋਨ: 9417279304

9781401141