ਕੁਦਰਤੀ ਖੇਤੀ ਨੂੰ ਸਮਰਪਿਤ ਚਰਨਜੀਤ ਸਿੰਘ ਪੁੰਨੀ

ਕੁਦਰਤੀ ਖੇਤੀ ਇਕ ਐਸੀ ਖੇਤੀ ਹੈ ਜੋ ਤੁਹਾਡੇ ਅੰਦਰ ਆਤਮ ਵਿਸ਼ਵਾਸ ਪੈਦਾ ਕਰਦੀ ਹੈ। ਤੁਹਾਡੇ ਅੰਦਰ ਦੀਆਂ ਕੁਦਰਤੀ ਭਾਵਨਾਵਾਂ, ਜਿਹੜੀਆਂ ਰਸਾਇਣ ਖੇਤੀ ਨੇ ਤਬਾਹ ਕਰ ਦਿੱਤੀਆਂ ਹਨ ਉਨ੍ਹਾਂ ਨੂੰ ਮੁੜ ਜ਼ਿੰਦਾ ਕਰਦੀ ਹੈ। ਛੋਟੇ ਤੋਂ ਛੋਟਾ ਪਖੇਰੁ, ਛੋਟੇ ਤੋਂ ਛੋਟਾ ਜੀਵ ਜੋ ਮਾਤਰ ਕੀੜੀ ਜਿੰਨਾ ਵੀ ਨਹੀਂ ਹੈ ਉਸ ਦੀ ਵੀ ਮਹੱਤਤਾ ਤੁਹਾਨੂੰ ਪਤਾ ਲੱਗੇਗੀ ਅਤੇ ਹਰ ਪ੍ਰਾਣੀ ਦੀ ਕੁਦਰਤੀ ਹੋਂਦ ਦਾ ਤੁਹਾਨੂੰ ਅਹਿਸਾਸ ਹੋਵੇਗਾ। ਇਹ ਅਹਿਸਾਸ ਹੋਣਾ ਹੀ ਤੁਹਾਡੇ ਭਵਿੱਖ ਦੀ ਸਫ਼ਲਤਾ ਦਾ ਚਿੰਨ੍ਹ ਹੈ। ਲੱਖਾਂ ਕਰੋੜਾਂ ਸਾਲਾਂ ਤੋਂ ਹੋ ਰਹੀ ਖੇਤੀ ਮਾਤਰ 40 ਤੋਂ 50 ਸਾਲਾਂ ਵਿੱਚ ਹੀ ਕੇਵਲ ਫੇਲ੍ਹ ਹੀ ਨਹੀਂ ਹੋਈ ਸਗੋਂ ਹੱਸਦੇ-ਵੱਸਦੇ ਪਰਿਵਾਰਾਂ ਦੇ ਉਜਾੜੇ ਦਾ ਕਾਰਣ ਬਣ ਗਈ ਹੈ। ਅਜਿਹਾ ਕਿਉਂ? ਪੰਜਾਬ ਦੇ ਹਰ ਵਾਸੀ ਨੂੰ ਖ਼ਾਸ ਕਰਕੇ ਕਿਸਾਨਾਂ ਨੂੰ ਇਹ ਜ਼ਰੂਰ ਸੋਚਣਾ ਪਵੇਗਾ। ਕੁਦਰਤੀ ਖੇਤੀ ਮੈਂ ਜਦੋਂ ਤੋਂ ਸ਼ੁਰੂ ਕੀਤੀ ਹੈ ਮੇਰੇ ਅੰਦਰ ਆਤਮ ਵਿਸ਼ਵਾਸ ਪੈਦਾ ਤਾਂ ਹੋਇਆ ਹੀ ਹੈ ਸਗੋਂ ਹੋਰਾਂ ਨੂੰ ਇਸ ਖੇਤੀ ਵੱਲ ਪ੍ਰੇਰਿਤ ਕਰਨ ਦਾ ਜਜ਼ਬਾ ਵੀ ਪੈਦਾ ਹੋਇਆ ਹੈ। ਮੇਰੀ ਪੰਜਾਬ ਦੇ ਕਿਸਾਨਾਂ ਨੂੰ ਪੁਰਜ਼ੋਰ ਅਪੀਲ ਹੈ ਕਿ ਉਹ ਕੁਦਰਤੀ ਖੇਤੀ ਅਪਣਾ ਕੇ ਆਪਣਾ ਭਵਿੱਖ ਉੱਜਲਾ ਕਰਨ।

ਪਤਾ - ਚਰਨਜੀਤ ਸਿੰਘ ਪੁੰਨੀ

ਪਿੰਡ ਤੇ ਡਾਕਖ਼ਾਨਾ ਚੈਨਾ

ਫੋਨ: 94179-65900