ਕੁਦਰਤੀ ਖੇਤੀ ਦਾ ਇਨਕਲਾਬੀ ਯੋਧਾ ਹਰਤੇਜ ਸਿੰਘ ਮਹਿਤਾ

ਸਾਨੂੰ ਖੇਤੀ ਦੀਆਂ ਰੇਹ, ਸਪਰੇਅ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਸਿਰਫ਼ ਦੇਸੀ ਗਾਂ ਦੀ ਜ਼ਰੂਰਤ ਹੈ। ਇਕ ਦੇਸੀ ਗਾਂ 25 ਤੋਂ 30 ਏਕੜ ਦੀ ਖੇਤੀ ਦੀ ਰੇਹ, ਸਪਰੇਅ ਦੀ ਜ਼ਰੂਰਤ ਨੂੰ ਆਸਾਨੀ ਨਾਲ ਪੂਰਾ ਕਰ ਸਕਦੀ ਹੈ। ਮੈਂ ਆਪਣੀ 11 ਏਕੜ ਦੀ ਖੇਤੀ ਦੀਆਂ ਖਾਦ ਦੀਆਂ ਜ਼ਰੂਰਤਾਂ ਅਤੇ ਕੀਟ-ਨਾਸ਼ਕਾਂ ਵੀ ਗਾਂ ਦੇ ਗੋਹੇ ਅਤੇ ਪਿਸ਼ਾਬ ਤੋਂ ਪੂਰੀਆਂ ਕਰਦਾ ਹਾਂ। ਇਹ ਹਨ ਸ: ਹਰਤੇਜ ਸਿੰਘ ਪਿੰਡ ਮਹਿਤਾ (ਸਾਹਾਵਾਲਾ) ਜ਼ਿਲ੍ਹਾ ਤੇ ਤਹਿਸੀਲ ਬਠਿੰਡਾ। ਆਪਣੀ ਕੁਦਰਤੀ ਖੇਤੀ ਸੰਬੰਧੀ ਆਪਣੇ ਹੋਰ ਅਨੁਭਵ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਉਹ ਜੋ ਇਹ ਕੁਦਰਤੀ ਖੇਤੀ ਕਰ ਰਹੇ ਹਨ ਇਸ ਦਾ ਉਨ੍ਹਾਂ ਇੱਕ ਹੋਰ ਨਾਂ "ਨਾ ਖ਼ਰਚ, ਨਾ ਚਿੰਤਾ" ਵੀ ਰੱਖਿਆ ਹੋਇਆ ਹੈ। ਪੰਜਾਬ ਦੇ ਸਮੁੱਚੇ ਕਿਸਾਨਾਂ ਨੂੰ ਕੁਦਰਤੀ ਖੇਤੀ ਕਰਨ ਵੱਲ ਪ੍ਰੇਰਿਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਆਰਥਿਕ, ਸਿਹਤ, ਵਾਤਾਵਰਣ ਪੱਖੋਂ ਕੰਗਾਲ ਹੋ ਚੁੱਕੀ ਕਿਸਾਨੀ ਦਾ ਇਕੋ ਇੱਕ ਹੱਲ ਜ਼ੀਰੋ ਬੱਜਟ ਕੁਦਰਤੀ ਖੇਤੀ ਹੈ। ਸਾਰੇ ਕਿਸਾਨ ਅਗਰ ਸੱਚੇ ਦਿਲੋਂ ਸਰਬੱਤ ਦਾ ਭਲਾ ਮੰਗਦੇ ਹਨ ਤਾਂ ਉਹ ਸਰਬੱਤ ਦੇ ਭਲੇ ਵਾਲੀ ਕੁਦਰਤੀ ਖੇਤੀ ਕਰਨ।

ਪਤਾ :- ਹਰਤੇਜ ਸਿੰਘ ਮਹਿਤਾ,

ਪਿੰਡ ਅਤੇ ਡਾਕਖਾਨਾ ਮਹਿਤਾ (ਸਾਹਾਂ ਵਾਲਾ)

ਜਿਲਾ ਬਠਿੰਡਾ । ਫੋਨ: 0164-2420071